Венецијанската комисија го одложи усвојувањето на оценката на предлог-законот за фер и соодветна застапеност во Северна Македонија од октомвриската пленарна седница, која се одржува денес, за декемвриската. Мислењето или оценката за овој закон повеќе нема да се третира по итна постапка, пишува Portalb.mk.
Пленарната седница на Венецијанската комисија ќе се одржи на 12 и 13 декември, а се очекува да се усвои оценката на ова тело, а не денес, како што беше претходно планирано.
Нацрт-законот за фер и соодветна застапеност, усвоен во јуни од Владата на Северна Македонија, очекува оваа институција да даде мислење за квалитетот на законот. Овој закон беше доставен до Комисијата од страна на РМВ на 11 јули 2025 година, со барање за итна оценка на овој закон.
Иако оваа институција првичн оизвести дека проценката ќе биде објавена во октомври, по посетата на Македонија се предомислија, велат од Порталб.мк.
На почетокот на септември, делегацијата на Венецијанската комисија дојде во Македонија за одблизу да го процени процесот на креирање на законот преку средба со претставници на Владата на РМВ. Тие се сретнаа и со претседателот на Уставниот суд, Дарко Костадиновски, и судијката Ана Павловска Данева. Делегацијата, како што објави Судот, се интересираше за значењето и содржината на одлуката за укинување на Балансерот.
По укинувањето на „Балансерот“ во Македонија, веќе една година нема законско решение кое гарантира правична и соодветна застапеност на граѓаните за време на нивното вработување во државните институции.
Уставниот суд на Република Македонија на 9 октомври 2024 година, со мнозинство гласови, одлучи да ја укине алатката „балансер“, со која се регулираше правичната застапеност на заедниците во државната администрација. По оваа одлука, етничката припадност веќе не се зема предвид за вработување во јавната администрација. За предметното прашање, имаше реакции од опозицијата дека Албанците се занемаруваат во корист на македонските сограѓани. Од друга страна, владејачката албанска партија ги негира овие обвинувања.
Случајот за укинување на „Балансерот“ беше отворен по иницијатива поднесена од стариот состав на Државната комисија за спречување на корупцијата (ДКСК) на 11 јануари 2024 година, бидејќи, според нив, се користеше за злоупотреби при вработување.
