Турска пратеничка од прокурдската Демократска партија на народите (ХДП) е осудена на девет месеци затвор за навреда на претседателот, јавија турските медиуми повикувајќи се на извор од судот.
Пресудата за пратеничката Лејла Бирлик била издадена од судот во југоисточниот град Шернак.
Бирлик беше уапсена на 4 ноември 2016 година и беше ослободена четири месеци подоцна. Пред извесно време таа беше обвинета за членство во терористичка група.
Во моментов во затвор се наоѓаат девет пратеници на ХДП кои се обвинети за тероризам. Меѓу уапсените се потпретседателот на партијата Селјахатин Демирташ и поранешната партиска потпретседателка Фиген Јуксекдаг.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
Одговорноста за редакциското опремување на текстовите (наслов, наднаслов, фотографија, тагови) е на ЦИВИЛ Медиа.
