Франција си игра со оган со тоа што ги одбива барањата за поголема автономија на Корзика, изјави претседателот на Извршниот совет на Корзика, Жил Симеони.
Тој го повика францускиот претседател Емануел Макрон да почне дијалог за поголема автономија на Корзика за време на закажаната посета на островот следната недела.
– Во текот на 1980-тите и 1990-тите години, кога националистичките движења претставуваа малцинство, владите преговараа со луѓето во фантомки… денес претставуваме мнозинство и нема друг пат освен демократија, но Владата не сака да попушти во ништо. Тоа е неприфатливо, рече Симеони.
Националистите на Симеони победија на локалните избори во декември, барајќи поголема автономија, но не и независност од Франција.
Владата на Франција навести дека е подготвена за некои промени во односот со Корзика, но министрите ги одбија повеќето симболични барања – како што е она за јазикот.
[divide]
Извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
