Со меморандум за соработка потпишан меѓу Царинската управа на Република Македонија и ТДР Скопје, членка на Бритиш американ тобако, ќе спречуваат фалсификување цигари и други тутунски производи од трговските марки чии носители на правата се друштвата членови на групацијата British American Tobacco.
Меморадумот, како што соопшти Царинската управа, е потпишан вчера е со цел сузбивање на криумчарењето и нелегалната трговија со тутунски производи и заштита од повреда на правата за интелектуална сопственост.
– Имајќи ја предвид и безбедносната функција на Царинската управа, меѓу другото, двете страни потписнички се договорија и заеднички да спроведуваат медиумски кампањи наменети за подигнување на јавната свест за нелегалната трговија со цигари и други тутунски производи, како и нивното влијание врз економијата, врз правниот систем и врз општеството во целина, стои во соопштението.
Во изминатата 2017 година царинските службеници во 25 случаи спречија шверц на околу 270 илјади парчиња цигари и 222 килограми режан тутун. (МИА)
