ЦИВИЛ ФЕСТ започнува денес, 10 декември, во 13 часот во Младински културен центар (МКЦ). На отворањето се најавени осум говорници и тоа: Амбасадорот Самуел Жбогар, шеф на делегацијата на Европската Унија, Уранија Пировска, извршна директорка на Хелсиншкиот комитет, Ирена Стеријовска, режисерка и активистка, Благица Димитровска од Инклузива, Кочо Андоновски од ЛГБТИ – Центар за поддршка, Петрит Сарачини, национален кординатор за култура, како и Дехран Муратов и Џабир Дерала од ЦИВИЛ.
ЦИВИЛ Фест е дводневен мултимедијален настан со што ќе се одбележи Меѓународниот ден на човековите права, 70 годишнината од носењето на Универзалната декларација за човековите права и 19-годишнината од постоењето на ЦИВИЛ. Богатата програма на ЦИВИЛ ФЕСТ предвидува низа концертни и диџејски настапи, мултимедијална изложба, преформанси, видео проекции, презентации, церемонија за доделување на награди за граѓанско новинарство и многу дружење и забава.
Веднаш по отворањето, во 13:40 часот, ќе настапат светските шампиони, танчарите со Даунов синдром од танцовото студио Dancers United MK кои годинава го освоија првото место на Светското првенство во модерни танци Полска.
Посветена на граѓанското новинарство и активизмот во име на слободата, правдата и еднаквоста, на програмата на ЦИВИЛ ФЕСТ во 14 часот е и мултимедијалната изложба на фотографии под наслов „Фотографии на слободата“ или #FreedomPhoto. Изложбата содржи стотици фотографии што ги одбележуваат граѓанското новинарство и активизмот за човекови права од почетокот на проектот „Граѓански објектив“, 2015 година, до денес.
„Кулите на граѓанското општество“ (#CivilSocietyTowers) претставува специфичен, мултимедијален приказ на активизмот и на граѓанското општество, кои ќе профункционираат во 14:30 часот на првиот ден од фестивалот и ќе траат до утредента. Во 15:30 часот ќе започнат видео проекциите на голем број видео документарни филмови и прилози од граѓански новинарки и новинари, како и од професионалниот тим на ЦИВИЛ.
Од 17 до 21 часот ќе се одржи афтерворк диџејска забава под слоганот Музика на слободата (#FreedomMusic), со која ќе се одбележат Меѓународниот ден на човековите права и 19-от роденден на ЦИВИЛ.
На вториот ден од фестивалот, 11 декември, во МКЦ ќе продолжат сите содржини предвидени на првиот ден. Освен тие содржини, програмата ќе вклучи и церемонија за доделување на пет награди за граѓанско новинарство во 12 часот, работилница за граѓанско новинарство од 13 до 16 часот, сценски перформанс во 19 часот и концертен настап на три бендови во 20 часот. Во меѓувреме, програмата ќе вклучи низа диџејски настапи, како и детско креативно катче за најмладите.
Фестивалот е дел од проектот „Граѓански објектив“, финансиран од National Endowment for Democracy.
[divide]
10 ДЕКЕМВРИ
| 13:00 | Говориме за #ЧовековиПрава Говори и изјави посветени на Меѓународниот ден на човековите права, 70 годишнината од Универзалната декларација за човековите права и борбата на граѓанското општество за слобода, правда и еднаквост. Н.Е. Амб. Семуел Жбогар (ЕУ), Уранија Пировска, Ирена Стеријовска, Благица Димитровска, Петрит Сарачини, Кочо Андоновски, Дехран Муратов, Џабир Дерала |
| 13:40 | #DancersUnited ПЕРФОРМАНС |
| 14:00 | #FreedomPhoto ИЗЛОЖБА |
| 14:30 | #CivilSocietyTowers МУЛТИМЕДИЈАЛНА ПРЕЗЕНТАЦИЈА |
| 15:30 | #CivicLensesVideo |
| 17:00 | #FreedomMusic Афтерворк диџеј забава |
| 21:00 | Крај на #ЦивилФест ден 1 |
11 ДЕКЕМВРИ
| 11:00 | Медиа корнер |
| 12:00 | #CitizenJournalismAwards Доделување награди за граѓанско новинарство |
| 13:00 | #CitizenJournalismWorkshop |
| 14:00 | #CivilSocietyTowers МУЛТИМЕДИЈАЛНА ПРЕЗЕНТАЦИЈА |
| 14:00 | #CivicLensesVideo |
| 20:00 | #FreedomConcert МУЗИЧКИ НАСТАП ВО ЖИВО (Man In a Suit, Tonal, Basic Trio) |
| 23:00 | Крај на #ЦивилФест, граѓанската акција продолжува… |
