Суарет Алишан, претседател на граѓанското здружение „Детски свет, нов почток“ повика на законски измени за законски мерки предвидени за лицата со попреченост.
Предлозите на иницијатавата „5 до 12“ и на „Детски свет, нов почеток“, како дел од иницијативата, е промена на старосната граница од 26 на 18 години за лица со попреченост, а се деца без родители. Алишан повика и на промени во статусот на жителство на децата без родители кои се водат на адресата на Центарот за социјална заштита, која е променета, па нивните документи за идентификација не им важат. За нови, како што вели Алишан, треба да се бркаат луѓе. Во меѓувреме тие не фигурираат како жители на Македонија.
„Кога лицето ќе наполни 18 години добива нов формат на заштита и не може да ги користи бесплатните услуги во здравството. Тоа е навистина проблем со кој се соочуваат лицата со попреченост. Лицата со попреченост како мене, кои сме и деца без родители, се соочуваме со закон според кој, детето без родители, без разлика дали има попреченост или не, кога ќе наполни 18 години ја губи заштитата на домот, семејството и органот на заштита се менува… Сакаме старосната граница да се промени, само за децата без родители кои се лица со попреченост… “, изјави Алишан за ЦИВИЛ Медиа.
Барањата се однесуваат и на измени на Законот за социјална заштита во член 84-а и 84-б согласно кои правото на додаток за слепило и мобилност се стекнува со навршени 26 години, односно целосно бришење на возрасното ограничување. Исто така, брањата за кои зборува Алишан се однесуваат и на промени на Законот за здравствено осигурување и Законот за здравствена заштита во насока на дозволување на лицата со попреченост да ја користат бесплатно примарна, секундарна и терцијалната здравствена заштита согласно потребата настаната од попреченоста, без навлегување на причината на настанување на попречноста.
Биљана Јордановска
Камера: Дехран Муратов
