Веќе е изгубена суштината на поддршката и бодрењето на клубот за кој се навива, бидејќи преку спортските натпревари (Лига на шампиони или Куп на УЕФА) најлесно може да се испрати вербална (аудио) порака или говор на омраза кон друга етничка заедница, или да се упати политичка порака /провокација, вели проф. д-р. Иван Анастасовски, за ЦИВИЛ Медиа.
„Политичката провокација (не секогаш), може да биде диригирана од одредени центри на политичка моќ, за да пратите одредена провокација. На пример, на натпреварот Шкупи и Динамо Загреб, кои се клубови од Македонија и Хрватска, се навредува една заедница која нема врска со натпреварот. Слествено на тој натпревар, имаме фудбалси натпревар меѓу Фенербахче и Динамо Киев каде што публиката организирано (не верувам дека претседателот на Фенербахче ги има мотивирано), оркестрирано го извикуваа името на Путин кој врши воена инвазија на туѓа територија (Украина). Тоа е исклучително политичка провокација.
На времето игравме со Шкотска, и на градскиот стадион во Скопје беше истакнат транспарент со политичка порака за еден поединец од Македонија кој во тој момент беше во Хаг, делегатот го виде тоа и забрани да започне натпреварот, и ни кажа дека ќе бидеме сериозно казнети ако не го остраниме банерот, бидејќи политичка порака не смее да има на натпревар кој го организира УЕФА. Како менаџмент на Фудбалската федерација на Македонија не можевме да го отстраниме, немавме влијание врз навивачката група кој го донела тој транспарент за да испрати политичка порака. Моравме да интервенираме кај политичкиот врв, за некој од таму да даде команда и политичкиот банер веднаш беше тргнат. Тогаш сватив дека таа спрега меѓу навивачките групи со врвовите на државниот врв, или политичка партија се во тесна спрега поради одредени Х причини“, вели Анастасовски.
Целото интервју со Анастасовски ќе биде објавено утре на ЦИВИЛ Медиа.
Д. Муратов
камера и монтажа: Ариан Мехмети
