Кавгата меѓу уредникот на „Слободен печат“ Бранко Героски и бизнисменот Љупчо Палевски, денеска заврши во знакот на националните бои.
ЦИВИЛ – Центар за слобода го доби видеото од настанот од граѓански новинар, кој сакаше да остане анонимен.
Бранко Героски, уредникот на „Слободен печат“, доби закана од Љупчо Палевски на Твитер, со зборовите „Доста беше за Герица пљуканица. Кога ќе го сретнам ќе лапа шамар, лично, со селфи!#3“
По оваа закана, Героски се обрати на неговиот личен профил дека денеска во 12 часот, ќе го чека лицето Љупчо Палевски пред скопскиот локал „Манда“. На местото, дојдоа многу луѓе кои беа информирани за закажаниот термин, за да видат што ќе се случи, голем број на новинари и фотографи кои го „покриваа“ настанот.
Откако му истури чаши бои врз глава, Палевски се повлече во локалот, а Геровски остана неколку минути, да му довикува да се врати и да ги исполни ветувањето.
Бизнисменот Љупчо Палевски, на 15 август беше задржан во полициска станица на барање на СЈО, по што Палевски изјави дека се работи за предистражна постапка. Палевски се поврзуваше со објавувањето на приватни телефонски разговори на Јутјуб каналот „Тесла“.
ЦИВИЛ – Центар за слобода, овој настан го оценува како досега невиден срам за македонското новинарство, и ги повикува институциите да реагираат соодветно на законот и да спречат понатамошно изживување врз новинарите.