Во текот на вчерашниот ден, автобуси на ЈСП „Скопје“ се криеле и паркирале по објекти на ЈП „Водовод и канализација“ и истите утринава се уште биле таму со што сериозно се нарушува безбедноста на објектите на ЈП „Водовод и канализација“ за што в.д директорот Марјанчо Митовски треба да одговара како и да одговараат неговите налогодавачи, стои во објавата на Сојузот на синдикатите на Македонија, пишува „Слободен печат“.
– Во пречистителната станица Волково на ЈП „Водовод и канализација“ во доцните вечерни часови биле внесени и паркирани автобуси на ЈСП „Скопје“ и тоа до самите безени и пумпи со што е нарушена безбедноста, а за што синдикатот СУТКОЗ упорно предупредува изминатите денови. Пречистителната станица на ЈП „Водовод и канализација“ во Волково е објект од витално значење за градот Скопје и со ваквиот преседан Митовски како в.д директор и неговиот налогодавач директно го доведуваат во опасност функционирањето на објектот како поради опасност од излевање и истекување на опасни материи од автобусите, како и опасност од предизвикување на хаварија од поголем обем за чија интервенција на итните служби како против пожарната служба ќе бидат попречени – обвинуваат од ССМ.
Исто така, од ССМ велат и дека во текот на доцните вечерни часови според како што велат сознанија од синдикалисти, биле злоупотребувани ресурсите на ЈП „Водовод и канализација“, за како што велат неовластено да извршуваат работи и тоа еден багер – скип работел и отворал пристап на задната страна од гаражата на ЈСП во Ѓорче Петров со што директно се злоупотребуваат ресурсите и работниците на ЈП „Водовод и канализација“ со што како што тврдат оттаму се прави штета за лични цели на в.д директорот и на неговиот налогодавач.
– Доколку и ова не е доволно в.д директорот да биде уште веднаш разрешен поради злоупотреба на ресурсите на претпријатието и доведување во директна опасност на објектите од витално значење на ЈП „Водовод и канализација“ тогаш се потврдува дека истиот како слеп послушник е поставен да раководи со ова витално јавно претпријатие за исполнување на желбите на градоначалничката Данела Арсовска и таа е нај одговорна за состојбите во кои се наоѓа ова јавно претпријатие. Бараме надлежните служби ОЈО и МВР веднаш да интервенираат и да ги преземат сите мерки и да утврдат по чиј налог, кои лица, со која цел влегуваат и излегуваат од објекти со витално значење за градот Скопје и сторителите да одговараат – стои во објавата на ССМ.
