• Latest

Холокауст: Прогонот на шест милиони Евреи во логорите на смртта започнал со говор на омраза!

January 27, 2017

Вучиќ пред утрешните протести на студентите: Не го прифаќаме ултиматумот

June 27, 2025
Фото: Militarnyi

Кијив тврди: Русија употребиле хемиско оружје 888 пати само во мај оваа година

June 27, 2025
Фото: МИА

САД и Кина потврдија дека постигнале договор за крај на трговската војна

June 27, 2025

Руски агенти осомничени за подметнување пожари на воени камиони во Германија

June 27, 2025
Славјанка Петровска 

Фото: Цивил / Архива

Петровска за Цивил: Одбраната не е само оружје, туку стратегија за развој и безбедност – 5% од БДП е шанса, не товар

June 27, 2025

Гоцевски за Цивил: НАТО и ЕУ во лавиринт – Македонија меѓу интереси и сојузи

June 27, 2025

Едвард Џозеф за ЦИВИЛ: НАТО самитот во Хаг беше успешен – добивме силна изјава за Член 5 и импресивен договорот за зголемени трошоци за одбрана

June 27, 2025

(ИЗБОР) Албански медиуми: Албанската влада ќе биде акционер во одморалиштето на Кушнер во Сазан; Уставниот суд на Косово им даде рок од 30 дена на пратениците да го конституираат собранието

June 27, 2025
Фото: Скриншот од видео на TIMES NOW

Борејќи се за преживување, Хамас се соочува со бунтовни кланови и сомнежи во врска со Иран

June 27, 2025

Дијаспората веќе не е „нерезидент“ – Одлука на Уставен што менува правила

June 27, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ДЕЗИНФО ГОВОР НА ОМРАЗА

Холокауст: Прогонот на шест милиони Евреи во логорите на смртта започнал со говор на омраза!

January 27, 2017 13:38
in ГОВОР НА ОМРАЗА, ОПШТЕСТВО, ХИБРИДНИ ОПЕРАЦИИ
Share on FacebookShare on Twitter

Светот денеска го одбележува 27 Јануари – Меѓународниот ден на сеќавањето на  Холокаустот. На денешен ден во 1945 година, Црвената армија на тогашниот СССР го ослободи логорот Аушвиц – Биркенау и преживеаните 7.000 логораши, со што датумот остана врежан во светската историја.

На денешниот ден се одбележува споменот на геноцидот што резултираше со смрт на околу шест милиони Евреи, два милиона Роми, 250.000 лица со посебни потреби, како и 9.000 хомосексуалци, жртви на нацистичкиот режим и на неговите соработници.

Одлуката за одбележување на 27 Јануари, е донесена со Резолуција на Генералното собрание на Обединетите нации на 1 ноември 2005 година.

Сеќавањето на Холокаустот Македонија вчера го одбележа со комеморативна седница во Министерството за надворешни работи. Пред присутните на настанот се обрати и Сара Ле Гутман Калдерон од Израел, ќерка на Гита Шами, единствената Еврејка од Македонија која го преживеала Холокаустот во логорот Аушвиц-Биркенау.

„Се подготвуваа за вечера, според сите обичаи, кога дојде една жена и кажа дека сите Евреи од Битола ќе се депортираат на непозната дестинација…“, раскажуваше Гутман пред промоција на нејзиното дело „Мишлоах Манот“, животна приказна за нејзиното семејство Шами-Калдерон од Битола и за нејзината мајка.

„Сите треба да се сеќаваме, дека секоја жртва не е бројка, туку има свое име. Македонија загуби голем дел од својата култура, со смртта на 98 проценти од еврејското население. Сеќавањето, за нас е само почеток, а не крај на нашата одговорност. Должноста што ја имаме е активно да се спротивставиме и да ги одбраниме сите од оние кои што нé напаѓаат врз основа на религијата, да се здружиме заедно против меѓуверската омраза и да ја зацврстиме нашата заложна за права и слободи на секој човек“, истакна американскиот амбасадор Џес Бејли.

„Да се запамети за да не се повтори дека прогонот на шест милиони Евреи во логорите на смртта во Втората светска војна, започнал со говор на омраза што прерасна во демонизација на цела група луѓе осудени на смрт во концентрационите логори“, истакна претседателката на Еврејската верска заедница во Македонија, Берта Романо Николиќ.

Во Македонија денес има околу 200 Евреи, а во логорите на смртта во Втората светска војна, беа депортирани 7.000 македонски Евреи.

Холокаустот во целиот свет ја промени перцепцијата за и почитување на човечкиот живот, независно од родовите, верските, политичките, сексуалните определби.

На настанот по повод Меѓународниот ден на холокаустот, се обратија и амбасадорот на Полска, Јацек Мултановски и министерот за надворешни работи на Македонија, Никола Попоски.

По повод Меѓународниот ден на Холокаустот, во Меморијалниот центар на холокаустот на Евреите од Македонија вечер ќе одржи концерт сопранистката Ермне Блондел и пијанистката Каролин Вилиамумеи. Концертот ќе реализира со поддршка на амбасадата на Австрија во Скопје и на Меморијалниот центар на Холокаустот на Евреите од Македонија и во соработка со здружението „Ервекте Штимен форум Виена„ (Еrweckte Stimmen Forum Wien).

М. Теговска / Б. Јордановска

 

Print Friendly, PDF & Email
Tags: Аушвицвтора светска војнаевреиМакедонијахолокаустЦивил
Share33Tweet21Send

НАЈЧИТАНИ 5

  • Фото: Д. Мишев

    Помина во Брисел извештајот на Вајц за Северна Македонија

    114 shares
    Share 46 Tweet 29
  • ДОМ ја напушта коалицијата со СДСМ

    102 shares
    Share 41 Tweet 26
  • Како Скопје Прајд стана квази левичарска, про-палестинска подружница

    97 shares
    Share 39 Tweet 24
  • Во оклопот на вмро, Македонците се желки на трката во Спа Франкоршамп

    94 shares
    Share 38 Tweet 24
  • (ВИДЕО) Нов гаф на Сиљановска Давкова – го помеша Марко Рубио со Џеј Ди Венс, кого го нарече Ди Џеј

    92 shares
    Share 37 Tweet 23

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ