На вечерашната вонредна прес конференција која започна со минута молк за жртвите од трагедијата во Кочани, потпретседателка на СДСМ, Ана Чупеска, откако изрази длабоко сочуство на семејставата и блиските на жртвите и посака брзо закрепнување на повредените, истакна дека, иако сакале денеска, на овој трагичен ден како одговорна партија да остават институциите да ја вршат работата без да ги попречуваме со политичко дневни препукувања, и немале намера да држат прес конференции, последната прес конференција на Тошковски ги принудила да реагираат.
Леснотијата со која министерот ја отфрли од себе вината и од министерството со кое раководи една година е дегутантно. Да го потсетиме Тошковски дека е министер 13 месеци. СДСМ веруваше дека тој ќе има доблест да ја каже вистината и дека прецизно ќе ја лоцира вината и дека нема намера никој да биде поштеден од овие настани, вели Чупеска и додава. Наместо тоа Тошковски реши да политизира и да обвинува други кога тој лично е министер веќе цела година , а владата ги има сите иснтиутции на располагање 9 месеци.
Чупеска истака дека, бидејќи никој до сега не ги постави клучните прашања за овој настан, тие денеска се на прес да ги поставиме тие прашања.
Министре Тошковски нели е срамно да не поднесете оставка вие и сите во институциите во услови во кои цела година оваа дискотека работи без лиценца?
Чија е одговорноста ако не ваша ?
Одговорете и на јавноста како полицијата била таму како што и самиот кажавте и притоа не ја затворила дискотеката која очигледно работела надвор од сите стандарди.
Како оваа дискотека оваа кобна ноќ работела до 3 часот, праша Чупеска?
Таа го праша министерот, дали Дирекција за зашитита и спасување, која треба еднаш годишно да прави провери за безбедности стандари на сите објекти, тоа го направила?
Понатаму, како што се гледа од снимките пожарот е настанат од пиротехнички метријали зошто молчите дека токму МВР ги издава и контролира овие компании и поединци кои управуваат овие средства.
Дали и кој е приведен и против кој ќе има постапка во МВР.
Дали е точно дека ова лето дискотеката била реновирана и пуштена во употреба, кој дал согласност за тоа?
Министре Тошковки, за крај сакаме да ви порачаме една работа во овие момент имавте голема можност да докажете дека сте професионалец но и дека сте човек, жалиме што со вашето однесување и пропаганда на социјалните мрежи решивте да брутално го политизирате овој трагичен настан настан. Нека ви служи на честа и нека ве следи вечно, рече Чупеска.
За крај, Чупеска нагласи дека СДСМ бара темелна и независна постапка за целиот случај, оваа трагедија да се истражи до крај, граѓаните да ја добијат вистината и апелираше до сите да не го политизираат случајот.
М. Д.
