Телефонските и интернет врските денеска се делумно обновени во Газа откако беше доставено гориво за работа на генераторите без кое тие не се возможни.
Израел најави дека ќе дозволи два цистерни со гориво дневно да влегуваат во Газа за потребите на Обединетите нации (ОН) и за комуникациските системи, пренесува МИА.
Одобреното количество гориво е околу половина од она што ОН го бараат за спасување на стотици илјади луѓе во Газа, вклучително и отворање систем за водоснабдување, за работата на болниците, пекарите и камионите кои доставуваат најнеопходна помош.
Најмалку 11.470 Палестинци, од кои две третини жени и деца, се убиени од почетокот на војната, а околу 2.700 луѓе се водат како исчезнати.
Во нападот на Хамас врз Израел на 7 октомври загинаа околу 1.200 луѓе, а околу 240 беа заробени.
