Вкупно 297 кандидати ќе се борат на претстојните локални избори на 17 октомври за градоначалници во 80 општини и Град Скопје, а поднесени се и 546 листи за советници, покажуваат резултатите од списокот што денеска го објави Државната изборна комисија (ДИК).
Листите на пријавени на кандидати во општинските изборни комисии што вечерва ги испрати ДИК (без имиња, туку само со подносителите на кандидатурите).
Најмногу кандидати за градоначалници на локалните избори на 17 октомври се пријавиле за Скопје – 12.
За Скопје, свои кандидати имаат коалициите што ги предводат: СДСМ, ЛДП-ДОМ, Левица, Интегра, Твоја партија, Бошњачки демократски сојуз, ТМРО, Демократи, работници и независни, како и две листи на независните кандидати Данела Арсовска, која ја доби поддршката од ВМРО-ДПМНЕ и Ана Петровска со поддршка од Зелен хуман град.
Во скопските општини, најмногу – седум кандидати има во Центар: СДСМ, ВМРО-ДПМНЕ, ЛДП-ДОМ, Левица, Твоја партија, Родина за Македонија, Демократи, работници и независни).
По шест пријавени кандидати има во:
Ѓорче Петров: СДСМ, ВМРО-ДПМНЕ, ЛДП-ДОМ, Левица, ТМОРО, Демократи, работници и независни. Карпош: СДСМ, ВМРО-ДПМНЕ, Македонска ера трета, Левица и ГРОМ.
Кисела Вода: СДСМ, ВМРО-ДПМНЕ, ЛДО-ДОМ, Левица, ТМРО, Интегра.
Шуто Оризари: СДСМ, Коалиција ЛДП- ДОМ, Коалиција Ром-Ромеске ДСР-НПР, Левица, ДПА и ДУИ.
За Аеродром и Чаир ќе се натпреваруваат по пет кандидати.
Во Аеродром коалицијата што ја предводи СДСМ, коалицијата на ВМРО-ДПМНЕ, коалицијата на ЛДП и ДОМ, како и партиите Левица и ТМРО.
Во Чаир: ДУИ, БЕСА, ДНЕТ ДПА и Алијанса и Алтернатива.
Во Сарај и Гази Баба има четири кандидати.
Сарај: ДУИ, ДПА, БЕСА и Алијанса и Алтернатива
Гази Баба: СДСМ, ВМРО-ДПМНЕ, Интегра и ТМОРО.
Во Бутел само двајца – од СДСМ и ВМРО-ДПМНЕ.
За Струга ќе се борат седум кандидати за градоначалничката функција, предложени од: СДСМ, Алијанса и Алтернатива, ТМРО, ДУИ, БЕСА, ДПА Демократи, работници и независни.
И за Тетово ќе се борат ист број кандидати: СДСМ, Алијанса и Алтернатива, ДПА, БЕСА, ДУИ, Интегра, Движење за држава и правда.
Во Битола има шест кандидати: СДСМ; ВМРО-ДПМНЕ, ЛДП-ДОМ, Македонска ера трета, Демократи, работници и независни, и група избирачи Зоран Лазаревски-Паљото.
Во Куманово и Прилеп по 5 кандидати
Куманово: СДСМ, ВМРО-ДПМНЕ, ЛДП-ДОМ, Алијанса и Алтернатива и група избирачи Максим Димитриевски.
Прилеп: СДСМ, ВМРО-ДПМНЕ, ЛДП-ДОМ, Интегра и група избрачи Жарко Стефаноски.
Гостивар со четири кандидати: БЕСА, ДУИ, ДПА и Алијанса и Алтернатива.
Охрид со три кандидати: СДСМ, ВМРО-ДПМНЕ и ТМОРО.
Во 25 општини имa само по двајца кандидати.
Вкупно за овие локални избори се пријавиле 297 кандидати за градоначалници предложени од коалиции, партии и од група избирачи.
Податоците за листи на кандидати за членови на советите се во обработка.