„Ги известуваме членовите на избирачките одбори дека исплатата на надоместоците е започната и истата е во тек за Претседателските и Парламентарните избори 2024 година“, соопштија од Државната изборна комисија.
„Динамиката за постапката на исплата на надоместоците зависи од ажурноста и точноста на податоците за ИО внесени од страна на Општинските изборни комисии, односно доставени се податоци кои содржат многу технички грешки за личните податоци и истите мора да бидат проверени и корегирани поединечно во Државната изборна комисија за да бидат прифатени во системот за трезор за исплата во Министерството за финансии“, извести ДИк
Од ДИК велат дека се работи за податоци за околу 35 000 членови на избирачки одбори со податоци од единствени матични броеви и трансакциски сметки, за чија точност при внес беа задолжени општинските изборни комисии.
Известувањето е може да се најде и на веб страна на ДИК: Известување за членовите на избирачките одбори а во врска со исплатата на надоместоците за Претседателските и Парламентарни избори 2024 година.
