Вицепремиерот за европски прашања Никола Димитров вчера се состана со новиот претставник на Фондацијата Конрад Аденауер за Северна Македонија, Даниел Браун.
Според Секретаријатот за европски прашања, вицепремиерот Димитров истакна дека Фондацијата Конрад Аденауер, веќе две децении дава постојана поддршка на евроинтегративните процеси на земјата, истовремено промовирајќи го политичкиот дијалог и развојот на граѓанското општество.
Голем број на проекти беа спроведени со поддршка на фондацијата, укажувајќи на постојана успешна соработка, истакна Димитров.
Вицепремиерот и Браун разгледаа повеќе можности за идни проекти, особено оние што ќе се фокусираат на приоритетните реформи.
Браун рече дека Фондацијата Конрад Аденауер дополнително ќе ја зголеми соработката во врска со приоритетите на Северна Македонија во ЕУ.
Димитров му посака успех на Браун во новата функција како претставник на фондацијата за Северна Македонија.
