• Latest
Добро утро со Орданоски

ДКСК да лета во вселената!

March 2, 2018
Фото: Скриншот од видео на Hindustan Times

Путин ќе го пропушти самитот на БРИКС следната недела поради потерницата од Меѓународниот кривичен суд

June 27, 2025

Хоџиќ: Гафовите на Сиљановска-Давкова воопшто не се за смеење

June 27, 2025

Маричиќ: Во преговарачката рамка пишува „македонски јазик”, ниту модерен, ниту старовремен – тоа прашање е затворено

June 27, 2025
Фото: Скриншот од видео на ВВС

Трамп сака драстично да го намали финансирањето на САД за истраги за воени злосторства

June 27, 2025
Фото: Скриншот од видео на The Wall Street Journal

Русија регрутира наставници, културни работници за русификација на окупираната Украина

June 27, 2025
Фото: Скриншот од видео на 
DawnNews English

Најмалку 18 Палестинци убиени во израелски напад на пазар во Газа 

June 27, 2025
Фото: ВИ

ЦИВИЛ: Стоп за масакрот во Газа – светот мора да се разбуди! Гледаме геноцид во живо и не смееме да молчиме!

June 26, 2025
Фото: Фејсбук на Гордана Силјановска Давкова

ПРАШАЊЕ НА ДЕНОТ: Што мислите за настапот на претседателката на Самитот на НАТО?

June 26, 2025
Фото: Скриншот од видео на 
The Independent

Сервилност или велемајсторски дипломатски потег – дали Руте последен се смее

June 26, 2025
Фото: МИА архива

Уставниот суд укина одредби од Методологијата за Пописот, ќе нема веќе „резидентно“ и „нерезидентно“ население

June 26, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ДОБРО УТРО СО ОРДАНОСКИ

ДКСК да лета во вселената!

March 2, 2018 08:00
in ДОБРО УТРО СО ОРДАНОСКИ, СЛОБОДНА ЗОНА
Добро утро со Орданоски

Добро утро со Орданоски

Share on FacebookShare on Twitter

пишува: Сашо Орданоски

Да се тврди дека „нападот“ врз Државната комисија за спречување на корупцијата била „оркестрирана работа“ и „притисок врз Комисијата“ (како што тврди нејзиниот претседател Игор Тантуровски) ја има истата точност како да се тврди дека млекото е бело, дека цигарите се штетни по здравјето, дека сонцето изгрева на исток или дека криминалот во Македонија сè уште се исплатува! Па, се разбира дека критиките и барањата за оставки на членовите на ДКСК се политички мотивирани и дека се оркестриран притисок, прашањето е зошто тоа не е направено неколку години или барем неколку месеци порано?

Нема потреба овде да се троши време и простор за повторување на ставовите и оценките за работата на ДКСК, откако само пред некој месец и официјално со Комисијата разменивме остри зборови на таа тема. Само не можам никако да се сетам против кои функционери од власта оваа Комисија покренала постапки во изминатите месеци и години? А ќе беше прекрасно да е така, мислам дека илјадници граѓани ќе излезеа на улица сега да ја бранат Комисијата од овие политички оркестрирани напади за нивна оставка.

Замислете, на пример, ДКСК да се одважеше и да влезеше во проверка на тоа како е стекнат имотот на партијата ВМРО-ДПМНЕ, зошто ни се толку скапи кинеските автопатишта, зошто на еден скопски локален градоначалник половина граѓани во општината му се обраќаа со „Добро утро, комшија“ (а сегашнава власт уште си молчи како здрвена) или има ли вистина (и евентуален корупциски аспект) за наводните непристојни врски во некои бизниси меѓу Заеви и Фамилијата?

Замислете да имавме таква антикорупциска државна комисија… Мислам дека Елон Маск ќе отвореше фабрика за вселенски летала во Македонија!

Вака, сентиментот во најголемиот дел од јавноста е токму спротивниот: не само што оставките се подразбираат, туку и апанажа да им се забрани! Во таква атмосфера не е ни чудо што некои од сегашните обвинувања и озборувања ќе бидат предимензионирани, заради долгите години на ултра-предимензионираното неработење на ова кога-би-се-зезале независно регулаторно тело.

Впрочем, слушнавме ли некаква реакција од ДКСК по повод најновото, за 2017 година, рангирање на Македонија на скалата за перцепција на корупцијата на Транспаренси Интернешнл?

Од ДКСК, и според закон, се очекува превентивно, а не само консекутивно делување во областа на корупцијата. Тоа не може да биде семинарско-канцелариска работа на безимени државни бирократи кои со јавни пари само ги купуваат деновите за побрзо да поминат.

Овие, сегашниве членови на ДКСК имаат НУЛА кредибилитет во јавноста – нам ни треба нова Комисија која ќе помогне Македонија (а не само власта, која и да е) да почне да го менува менталитетот во однос на корупцијата. Ни треба Комисија која ќе отвори свои граѓански канцеларии барем во дваесетина македонски општини, која ќе држи конференции за печат и за прозивки два-три пати месечно, во која фотокопирите ќе прегоруваат на неделна основа, која ќе има директна цевка за комуникација со Јавното обвинителство, а нејзиниот претседател да ја добие „Златната Бубамара на популарноста“ со национална акламација!

Тоа е важно и заради нешто друго: да не може секој кој е на функција, кој располага со некаков државен фонд, кој распишал тендер или некој кој добил субвенција или дотација од државата да биде третиран како корумпиран по дефиниција, бидејќи тој вид на линч-правда („Фејсбук правда“) е подеднакво штетен за демократијата од немањето никаква правда.

Такашто, предлагам да се простиме ние од оваа ДКСК со песната „Зајди, зајди“, за да се зафатиме со избор на нови државни антикорупционери. Ете, половина од составот да се земе од некои од неодамнешните кандидати за јавен обвинител, другата половина од докажани антикорупционери од невладините организации. Тоа би бил ветувачки почеток на новата ера за борба против корупцијата во Македонија.

 


Преземањето на оваа содржина е дозволено само по 12 часот, на денот на објавувањето. Потоа, важат вообичаените правила според лиценцата Creative Commons 1.0.

Print Friendly, PDF & Email
Tags: ДКСКИгор ТантуровскиКорупција
Share226Tweet21Send

НАЈЧИТАНИ 5

  • Фото: Д. Мишев

    Помина во Брисел извештајот на Вајц за Северна Македонија

    114 shares
    Share 46 Tweet 29
  • ДОМ ја напушта коалицијата со СДСМ

    102 shares
    Share 41 Tweet 26
  • Како Скопје Прајд стана квази левичарска, про-палестинска подружница

    96 shares
    Share 38 Tweet 24
  • Во оклопот на вмро, Македонците се желки на трката во Спа Франкоршамп

    94 shares
    Share 38 Tweet 24
  • (ВИДЕО) Нов гаф на Сиљановска Давкова – го помеша Марко Рубио со Џеј Ди Венс, кого го нарече Ди Џеј

    92 shares
    Share 37 Tweet 23

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ