Кичевчанецот Ел Чека, по неколку бомби во кои се слушаат високи функционери на ДУИ, објави прислушуван разговор што се води на македонски јазик, а во која се зборува за петкратното убиство кај Смилковското Езеро, случај познат како „Монструм“.
Во овој разговор се слушаат еден машки и еден женски глас. Во текот на разговорот, женскиот глас цело време повторува дека нема докази за осомничените кои биле уапсени во овој случај, а се сомнева дека може да не биле дури ниту Албанци. „Нема никаква трага! Трага нема! Никаква, никаква трага нема! Ова е на високо ниво, професионалци се…“ – вели женскиот глас. „Може да биле Бугари, може Грци“, се слуша, меѓу другото, во тој разговор.
VIDEO-PËRGJIMI 6/1Kjo video është siguruar nga Sami Ukshini (Sokoli), Val Zeka, Shek Hallaqi dhe El Cheka.Flasin Orce Kamçev dhe e ema e N.G. e cili i thotë nipit të saj se ka marrë informacion nga Gordana, e cili i thotë se "nuk ka asnjë gjurmë për veprën e kryer në liqenin e Smilkovës, ndoshta nuk janë shqiptarët, por mund të jenë bullgarë, grekë apo të tjerë, i thashë Sashos… kam edhe disa gjëra për t'i tregu, por jo përmes telefonit!"
Gepostet von Sinjal Press am Donnerstag, 13. Juni 2019
Понатаму, соговорниците тврдат дека не е откриен ниту мотивот на убиството, а се забележува дека имаат информации и за убиените млади кај езерото. „Не биле рибари“, вели машкиот глас непосредно пред снимката да биде прекината.
Додека повторува дека нема докази, жената во овој разговор вели дека тоа ѝ го потврдила и извесна Гордана за која се мисли дека може да е екс министерката Гордана Јанкуловска, а и дека нешто му пратила на Сашо, веројатно Мијалков, како идеја за случајот. Објавувачот на овој прислушуван разговор, тврди дека машкиот глас му припаѓа на македонскиот бизнисмен што е под истрага на СЈО, а неодамна му е вратен пасошот, Орце Камчев.
Разговорот во кој се вели дека има многу шанси убијците и мотивите да се сосема други и од надвор, остава впечаток дека станува збор за монтиран полициски и судски процес, но вмешаните се во паника заради недостиг на докази со кои би ја потврдиле нивната теорија за кривичното дело кое беше покренато во тоа време.
Во друг разговор, објавен претходно, се слуша како маж и жена, индиректно зборуваат за инсценирање на случајот. Разговорот е со кодови и алузии, а се остава впечаток дека целата акција и големиот број уапсени се со намера да го убедат западот и САД дека Македонија има проблем со радикалниот ислам. Не се знае дали овој разговор е меѓу материјалите кои ги поседува СЈО и заради кои судот одлучи да ја повтори постапката и притворените да ги пушти на слобода.
А. Зеќири