Американската комисија за хартии од вредност го обвини извршниот директор на Тесла, Елон Муск, за измама заради низа лажни твитови и побара од него да се тргне од челната позиција на тој произведувач на електрични автомобили и му забрани да биде директор во било која компанија чии акции учествуваат на берза. Исто така, СЕЦ побара парична казна и други правни дејствија против Муск.
Тужбата која американската комисија за хартии од вредност ја поднесе во четвртокот до федералниот суд на Менхетн, следуваше само два месеца откога Муск преку Твитер порача дека размислува за повлекување на дел од акциите на Тесла од берза и дека тоа за компанијата претставува најдобар избор.
Основачот на Тесла на почетоткот на август порача дека и инвеститорите го поддржуваат тој план, и дека финансирањето е обезбедено и дека на акциоерите ќе им биде понудено 420 долари по акција-за петтина повеќе од тогашната цена.
Според американската комисија за хартии од вредност ( СЕЦ ) , Муск знаел дека неговите твитови биле лажни и збунувачки, со оглед на тоа дека никогаш за таква трансакција не разговарал со ниеден финансиер.
Со оваа тужба Муск стана еден од директорите од највисок ранг во технолошката индустрија, кој СЕЦ го обвинил за измама во врска со вредносни хартии.
Муск смет6а дека не направил ништо лошо.
Овој неоправдан потег на СЕЦ длабоко ме разочара. Секогаш работев во интерес на вистината, транспарентоста и инвеститорите. Интегритетот е најважна вредност во мојот живот и фактите ќе покажат дека никогаш на кој било начин не сум го компромитирал- порача Муск во соопштението.
Најавата на Муск дека размислува за повлекување на акциите на Тесла веќе резултираше со тужби од неколку од инвеститорите кои заради тие причини изгубиле милиони долари.
Набрзо после извајавата на Муск, цената на акциите на Тесла опадна за 11 одсто, на 380 долари.
Најлошото сценарио на Муск би било, тој да плати големи казни и да добие забрана во иднина да биде директор на која било компанија во САД која работи на берза. Тоа значи дека неговите денови како директор на Тесла се при крај, што е готово незамисливо за компанија која е испреплетена со визијата и идентитетот на Муск.
Мислам дека важно прашање ако да се издаде казна која ќе го дисциплинира Муск, а при тоа да не ја уништи неговата вредност за акционерите на Тесла- изјави професорот Јозеф Грундфест од Правниот факултет на Станфорд кој воедно бил и член на спомненатата Комисија која го тужи Муск. (ДНЕВНИК.ХР)
