Европската комисија вчера ги предаде преговарачките рамки за Северна Македонија и за Албанија до Советот на ЕУ (земјите членки на ЕУ).„Денес се одбележува уште еден важен чекор на патот на Албанија и Северна Македонија кон Европската Унија“, стои во писмената изјава на еврокомесарот за проширување Оливер Вархеји.
Преговарачките рамки се позицијата на Европската Унија во преговорите за членство. Европската комисија поднесува нацрт-рамки до земјите членки, кои треба да ги усвојат по евентуални модификации.
Рамките се поделени на три дела: водечките принципи на пристапните преговори, суштината на преговорите и преговарачката процедура, со цел да се обезбеди целосно спроведување на европското законодавство и неговите принципи во законските рамки на земјите кандидати.
Во споредба со рамките на претходните земји кандидати, Европската комисија вели дека за Скопје и за Тирана се додадени и начелата на новата преговарачка методологија усвоена во март, земен е предвид и
развојот на европското законодавство како и специфичностите и заслугите на секоја поединечна земја.
„Очекуваме во наредниот период рамката да биде усвоена од државите членки со што преговорите и формално ќе започнат со првата меѓувладина конференција за време на германското претседателство, отворајќи ги поглавјата од првиот пакет. Со овој предлог се утврдуваат правилата и принципите по коишто ќе се одвиваат преговорите на Северна Македонија за членство во ЕУ“, изјави денеска Зоран Заев.
Тој додаде дека ова претставува процес што ги носи европските вредности дома и побрзо воведување на европските стандарди во сите области.
„Оваа вест уште еднаш потврдува дека чекориме напред по патот којшто го исцртавме. По членството во НАТО, ја забрзуваме македонската интеграција во ЕУ. Двете стратешки определби ги реализираме во само 3 години. Тоа е успех на Владата, успех на институциите предводени од СДСМ, успех и на сите граѓани кои се определени да градиме европска иднина. Заедно постигнавме многу, и заедно ќе постигнеме уште повеќе и уште подобро. Влеговме во НАТО, #можеме и во ЕУ!“, додаде Заев.
Бујар Османи а прес – конференција пред Секретаријатот за европски прашања, истакна е само нацрт верзија и дека негото очекување е до октомври да биде прифатен финалниот текст
„Добро е што ова се случува во време на германското претседателство кои се големи поддржувачи на нашиот европски пат“, додаде Османи.
Османи додаде дека со новите механизми на преговарачкиот процес, брзината и напредокот ќе зависи од самите нас, но и дека ЕК ќе има механизам да го препознае и намали пристапот до ЕУ фондовите доколку
има застој.
А. П.