Русите ги погодија оние кои се надеваа дека ќе се евакуираат на безбедно место. Има повеќе од доволно докази за вината на окупаторската војска. Европската унија изрази уверување дека Руската Федерација е одговорна за трагедијата на железничката станица Краматорск, каде што загинаа повеќе од 50 луѓе. Европската унија ваква изјава даде веднаш откако Пентагон објави сличен став. Информацијата ја пренесува „Европска вистина“ повикувајќи се на прес-службата за надворешна политика на Европската унија.
ЕУ е „длабоко шокирана“ од ваквиот чин на агресија на Русија и бара што е можно поскоро да се откријат сторителите и да се принудат да одговорат во согласност со законот. Според политичарите, воените злосторства не можат да останат неказнето. „Европската унија поддржува мерки за да се обезбеди одговорност за кршење на човековите права и меѓународното хуманитарно право“, се вели во соопштението на организацијата.
Вреди да се додаде дека американското Министерство за одбрана тврди дека нема смисла да се верува на руската пропаганда, која прво се пофали со совршено стрелање, а потоа почна да ја негира својата вмешаност. Ваквото однесување на Русија, напротив, ја докажува вината на окупаторската армија за трагедијата во Краматорск. Згора на тоа, на Интернет има многу докази дека руските пораки во врска со нападот биле едитирани. Исто така, на мрежата протече видео од лансирањето ракети, што, најверојатно, довело до масакр на луѓе во Краматорск.
подготви: Ж. Димовски
