Триесет и деветгодишниот скопјанец со остар предмет вчера ја усмртил својата 31 годишна поранешна партнерка од Велес, потоа го убил и нејзиниот татко, по што се самоубил.
Двојно убиство и самоубиство попладнево се случило во Велес. Според информациите кои ги изнесе Министерството за внатрешни работи (МВР), убиени се 31-годишна жена и нејзиниот 68-годишен татко.
Изнесувајќи детали за настанот, од МВР наведуваат дека Р. К. (31) со повреди од остар предмет била пронајдена на улица „Кочо Рацин“ во Велес и со возило на Итната медицинска помош била пренесена во велешката болница каде што е констатирана смрт.
„Веднаш потоа, во домот на нејзиниот татко на истата улица, пронајден е починат и татко ѝ К. К. (68), кој исто така, имал повреди од остар предмет. Во домот, со повреди од остар предмет е пронајден и И. С. (39) од Скопје, поранешен партнер на Р. К., за кој според првичните информации постои сомнение дека ги нападнал двајцата, по што сам се повредил. Откако е пренесен во болницата во Велес и кај него е констатирана смрт“, наведуваат од МВР.
Доцна вчерта заврши увидот на јавен обвинител во содејство со увидна екипа СВР Велес, а телата на починатите од крвавата драма што се случи попладнево во Велес се испратени на обдукција во Институтот за судска медицина во Скопје. Во трагедијата со повеќе повреди од остар предмет починаа 31 годишна велешанка и нејзиниот 74 годишен татко, а стрителот 39 годишен скопјанец поранешен партнер на девојката се самоубил со тврд остар предмет.
Јавниот обвинител при ОЈО Велес Цветанка Богоевска за МИА потврди дека увидот заврши, а телата на убиените се испратени во Институтот за судска медицина во Скопје.
-Извршив увид на лице место на настанот заедно со екипа на СВР Велес. Подигнати се траги на лице место, а телата на починатите се пратени на обдукција во Институтот за судска медицина во Скопје. Материјалните траги кои се пронајдени на лице место ќе бидат испратени на вештачење. Во текот на увидот фотографирано е на лице место и од настанот ќе биде направен детален извештај, појасни Богоевска.
ОЈО во текот на денот се очекува да објави целосно соопштение за настанот.
