Европската Унија постигна договор за 18-ти пакет санкции против Русија поради нејзината војна во Украина, со низа мерки насочени кон нанесување дополнителни удари врз руската нафтена и енергетска индустрија.
Нејзиниот најнов пакет санкции против Русија ќе ја намали ценовната граница на сурова нафта во Г7 на 47,6 долари за барел, изјавија дипломати за Ројтерс.
„ЕУ штотуку одобри еден од своите најсилни пакети санкции против Русија досега“, изјави шефицата за надворешна политика на ЕУ, Каја Калас, на платформата „X“.
We are standing firm.
The EU just approved one of its strongest sanctions package against Russia to date.
We’re cutting the Kremlin’s war budget further, going after 105 more shadow fleet ships, their enablers, and limiting Russian banks’ access to funding. (1/3)
— Kaja Kallas (@kajakallas) July 18, 2025
„Ќе продолжиме да ги зголемуваме трошоците, така што запирањето на агресијата станува единствениот пат напред за Москва“, додаде Калас.
Пакетот санкции, исто така, има забрана за трансакции поврзани со руските гасоводи „Северен тек“ и со рускиот финансиски сектор.
„Го поздравувам договорот за нашиот 18-ти пакет санкции против Русија. Удираме во срцето на руската воена машинерија. Целејќи ги нејзините банкарски, енергетски и воено-индустриски сектори и вклучувајќи ново динамично ограничување на цената на нафтата“, напиша претседателката на Европската комисија, Урсула фон дер Лајен, на X.
