Претседателот на Собранието, Африм Гаши информира дека преку Програмата за парламентарна поддршка, вечерва Собранието се обои во портокалова боја, со што се приклучува на светската кампања „16 дена активизам против родово базирано насилство“.
„Сакам да истакнам дека овој чин не е само визуелен симбол, туку јасна и моќна порака дека највисокaта претставничка институција е посветен да биде на страната на секоја жена и девојка и не толерира насилство под никакви околности.
Нека портокаловата светлина послужи како повик за одраз, а заедно со оваа светлина да се разбуди и надежта за општество каде секоја жена и секоја девојка живее без страв, почитувана и заштитена“, вели Гаши.
