Бројот на цивили убиени во Газа е „неспоредлив и без преседан“ во споредба со кој било конфликт од 2017 година, кога генералниот секретар на Обединетите нации Антонио Гутереш ја презеде функцијата, рече тој во понеделникот, пренесе Си-Ен-Ен.
„Она што е јасно е дека за неколку недели имаме убиени илјадници деца. Значи ова е она што е важно. Сведоци сме на убиства на цивили што е неспоредливо и без преседан во кој било конфликт откако јас сум генерален секретар“, рече Гутереш на прес-конференција.
На прашањето за неговата визија за „денот потоа“ во Газа, Гутереш ја отфрли можноста за протекторат на ОН во енклавата, наместо тоа повикувајќи на „пристап со повеќе засегнати страни“ што на крајот ќе доведе до решение со две држави.
„Сите треба да се здружат за да ги создадат условите за транзиција, дозволувајќи и на палестинската управа, зајакната палестинска управа, да ја преземе одговорноста во Газа“, рече тој.
Најновото насилство предизвика повеќе од 1.200 смртни случаи во Израел и најмалку 11.470 во Газа од 16 ноември, според властите од двете страни.
Д. Т.
