ФБ – прозорец кон светот, поле на информации, мудрости, настани, пронаоѓање на пријатели, склучување на нови пријателства, споделување среќни моменти, честитки….
Споделување на мислења, критики, полемики….
Споделување на научни откритија, поучни стории, …
Арно ама, и страница за негативности, за глупости, ширење на омраза, навреди невидени и нечуени пцости…!
Коментари и прашања на споделени написи, колумни, информации… Позитивни и негативни. Вокабуларот = УЖАС, ГРОЗОТА!
Лепезата е широка.
Поедини лица, дури и не читајќи како што е напишано, и не сфаќајќи дека тоа е личен став или коментар, без никаква навреда ниту кон нив ниту било кој друг, почнуваат да навредуваат, да пребројуваат фамилија…!!!
И зошто така – ни самите не се свесни???
ПРИМЕР, само за едно просто прашање: „Од каде сега Источна Македонија, а се протестира против име Република Северна Македонија,….“? (Наместо тоа, нели поадекватно е источен регион, или источен дел на Република Македонија, та не ни е државата поделена на Источна и Западна).
Е само заради ова прашање, криејќи се под ЛАЖЕН ИДЕНТИТЕТ, (така дури и полот го промени), едно лице, кон мене почна да фрла копја и стрели, затруени со вулгарности.
Користејќи толку гнасни зборови, кои одговараат на неговата ГРАШОК-ИНТЕЛИГЕНЦИЈА, почна со навреди, почна да лепи разни етикети… Ниту самиот не знае зошто… со што го навредив, што беше навредливо во прашањето? Но не е чудно, оти неговиот испран мозок не може да разликува ден од ноќ. Брзо го детектирав, иако беше под маска!
Бидејќи цел живот некој друг му кажувал што и како да прави: како да се однесува, кој учител или учителка мора да го учи (оти тој/таа била најдобра), со кого да се дружи… Бидејќи е од „фамилија“ (дел перманентно во ВМРО, дел во СДСМ – секогаш некој со владејачката гарнитура), мора да биде распореден на раководна функција (секретарче, директорче…), а негово е само да се појавува на настани, никогаш и ништо свое не предложил или поддржал, ако не е од лидерот. Нема инвентивност, иницијативност или иновативност, нема свое мислење, а за да се оправда „довербата“ за доделените позиции, нормално, мора на ФБ да ги постира сите објави од лидерите. Ама негов коментар… НЕ! Нема!
Но исто така, во време на режимот, власта му овозможи да ползува субвенции и најповолни кредити од типот на оние „за млади брачни парови“ и слични привилегии, и тоа мора да го оправда.
Штом некој ќе искоментира нешто што не е во склад со мислењата на неговите, кај него проработува „ПАВЛОВИОТ ЕФЕКТ“. Почнува да лигави!
Фрла копја и стрели затруени со вулгарни навредливи зборови, од речникот својствен на неговото „воспитување“. Иако само ве знае, но не ве познава, почнува да се занимава со вас и вашето минато.
Мора така да постапува, бидејќи се надева дека режимот ќе се врати и пак ќе добие „висока“ фотелја, мислејќи дека така и паметот ќе му биде на повисоко ниво…
Таков испран мозок не може да го просветли ниту првиот Апостол на Исус Христос, Свети Андреј, ниту пак неговиот брат Свети Петар!!!
Ако сакате да полемизирате со таквите, треба да се спуштите на нивно ниво, ама тука ќе ве победат на ИСКУСТВО, па од тие причини не сакав да се замарам со таквата мизерија!
После ова, кој ли ќе биде првиот коментар на дотичниот или сличните на него?
Авторот е полковник во пензија.
