Меѓународниот институт за блискоисточни и балкански студии (ИФИМЕС) од Љубљана со анализа на актуелната политичка состојба во Република Северна Македонија по повод одлуката на Европскиот совет за датумот на почеток на преговори на Северна Македеонија со ЕУ. Во опсежната анализа „Северна Македонија 2021 година: Дали ЕУ е пред нова историска грешка?“, покрај другото се говори за тајна разузнавачка операција под име „Коњски скок“ која имала за цел да го врати Никола Груевски на власт во Северна Македонија и да го урне постојниот политички естаблишмент.
„Северна Македонија е на геополитичка раскрсница и затоа е важно да се обезбеди траен мир и долгорочна стабилност на таа земја во регионален и меѓународен контекст. Токму заради својата геополитичка и геостратешка позиција, Северна Македонија е раскрсница на регионален и меѓународен криминал и затоа се прават огромни напори од Министерството за внатрешни работи и безбедносните разузнавачки агенции за сузбивање на криминалот и корупцијата на и преку нејзината територија.
Аналитичарите предупредуваат на тајна разузнавачка операција, во меѓународните кругови наречена „Коњски скок“, која имала крајна цел да го врати Никола Груевски во Северна Македонија и да го исфрли постојниот политички естаблишмент. Затоа, интензивно се работи на дестабилизација на државата преку постојано производство на бројни скандали. Разузнавачките служби откриле и лоцирале повеќе од 160 медиумски портали, кои произведуваат бројни лажни вести и скандали со намера да предизвикаат хаос и да ги дискредитираат првенствено премиерот Зоран Заев и министерот за внатрешни работи Оливер Спасовски. Ова е поврзано со Адинамик Медиа, компанија што работи веб-страници што ја поддржуваат опозициската партија ВМРО-ДПМНЕ. Адинамик Медиа е поврзана со унгарската јавна телевизиска мрежа Маѓар Телевизо (MTV), која ја фаворизира водечката партија Фидес на премиерот Виктор Орбан.
На политичко ниво, се прават обиди да се блокира функционирањето на институциите, на пр. опозициската ВМРО-ДПМНЕ поднесе повеќе од 2.000 измени и дополнувања на Законот за армијата на Република Северна Македонија, со што на овој начин директно се нарушува системот на НАТО. Предлог-законот за давање на македонско државјанство со тројца сведоци е мошне сомнителен и не е во согласност со меѓународните стандарди и може да влијае на административната промена на етничкиот имиџ и создавањето нови тензии.
Со нон-пејпери покренати од блиски сојузници на Никола Груевски, се прават обиди да се создаде хаотична атмосвера.
Нападите врз министерот за внатрешни работи Оливер Спасовски, ќе бидат интензивирани бидејќи тој ги откри и ги демонтираше мрежите на одредени странски разузнавачки служби на територијата на Северна Македонија, и поради тоа, нападите врз него беа дизајнирани како еден вид одмазда за неговите успешни активности . Бугарија, Унгарија и некои други земји ќе мора да ја повлечат својата разузнавачка мрежа од Северна Македонија и да соработуваат во областа на разузнавањето врз основа на потпишаните договори. Загрижувачки е фактот дека клучните безбедносни предизвици и закани против Северна Македонија доаѓаат од земјите-членки на НАТО, чија членка е и Северна Македонија.
Аналитичарите сметаат дека центарот на тајната разузнавачка операција „Коњски скок“ е во Будимпешта и дека во неа се вклучени одредени шефови на држави, кои се сојузници на Никола Груевски, претежно од европската (радикална) десница. Поврзано со тоа е и изработката на „Нон-пејпери“, кои се во функција на враќање на Груевски во Северна Македонија и негово враќање на власт, затоа што проценија дека Зоран Заев со тесно парламентарно мнозинство може брзо да пропадне во создадената средина на хаос. Се поставува прашањето зошто НАТО толерира ваква активност на разузнавачките служби на некои нејзини земји-членки во Северна Македонија, што не е насочено само против националните интереси на суверената земја-членка, туку и против интересите на самото НАТО.“, се вели во делот од анализата „Северна Македонија 2021 година: Дали ЕУ е пред нова историска грешка?“ на ИФИМЕС, насловен – Тајна разузнавачка операција „Коњски скок“.
подготви: Ј. Ѓорѓиоски
