• Latest
Добро утро со Орданоски

Имало Господ и за нашата Црква!

May 11, 2022

24 ЧАСА: Родителите на жртвите од Кочани бараат објаснување од ОЈО; Тошковски тврди дека е намалена е стапката на криминал; Војната меѓу Израел и Иран – можност за Русија да продолжи со агресијата против Украина

June 16, 2025
Фото: Фејсбук

ПРАШАЊЕ НА ДЕНОТ: Дали верувате дека стапката на криминалот е намалена?

June 16, 2025
Протест пред Уставниот суд на Србија, Белград, 11 јули 2024 (фото извор: скриншот од видео снимка на Алџезира Балкан)

Студентите ќе поднесат кривична пријава против Вучиќ

June 16, 2025

По 618 дена војна во Палестина, пратеникот Реџепи од Европскиот фронт поднесе Предлог-резолуција за хуманитарната криза во Појасот Газа до Собранието

June 16, 2025
Фото: Креирано со помош на ВИ

Трамп, Нетанјаху и Хамнеи – тројцата лути старци кои би можеле да нè убијат сите

June 16, 2025
Фото: ЦИВИЛ Медиа

Над 3.200 невработени лица се пријавиле за мерката самовработување

June 16, 2025
Фото: Креирано со помош на ВИ

Војната помеѓу Израел и Иран може да ѝ даде економски поттик на Русија за да ја продолжи агресијата врз Украина

June 16, 2025

РЦСОО „Ванчо Питошески“ – Охрид доби целосно реновиран и модерен објект со поддршка од Европската Унија

June 16, 2025

(ИЗБОР) Албански медиуми: Тирана домаќин на ПСЈИЕ; Косово без нов парламент и по 32 обиди; Судот во Хаг повторно му го продолжи притворот на Тачи

June 16, 2025

БДС поднесе жалба на отфрлената кривична пријава во ОЈО против Стоилковиќ за изјавата дека геноцидот во Сребреница е „некрофилски дизниленд“

June 16, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ДОБРО УТРО СО ОРДАНОСКИ

Имало Господ и за нашата Црква!

Македонија има мачен пат за сопствена стабилизација и меѓународна промоција во изминатите триесетина години, пред сѐ, заради сопственото соседско окружување. На тој пат решаваме проблем по проблем, поминувајќи ги „мостовите“ – што би рекле Англосаксонците – кога ќе дојдеме до нив на уште една од „реките“ што патемно треба да се „прегазат“. Еден од тие мостови, со помош на Цариград, тукушто совладавме.

May 11, 2022 06:45
in ДОБРО УТРО СО ОРДАНОСКИ, СЛОБОДНА ЗОНА, ТОП 5
Добро утро со Орданоски

Добро утро со Орданоски

Share on FacebookShare on Twitter

САШО ОРДАНОСКИ

Црковно-религиските аспекти на решението на Вселенската Патријаршија канонски да ја признае Охридската Архиепископија претставуваат одредено разрешување на вековните контроверзии на зачмаените, здодевни, назадни православни политикантски верски расправии за тоа кој од кога постои како народ, кој што бил пред петстотини и илјада години, кому му е јазикот постар, кому му е темјанот позастоен, а брадата подолга. Во тие кругови, вообичаено, „меѓуцрковните“ запирки и точки се менуваат еднаш на сто-двесте години, бидејќи времето се мери во векови и милениуми, а само возните паркови, мобилните телефони и рачните часовници се од најновите модели.

Првичните реакции на „братските“ православни кругови на оваа одлука на Цариград се предвидливи и се движат од медиумските коментари дека е тоа „забивање нож в грбот“ на Бугарската Православна Црква, преку ставот на Руската Православна Црква дека за неа во Македонија постои само Српската Православна Црква, до грчката проценка дека се работи за „шах-мат“ на Вселенскиот Патријарх за српско-руските планови на Балканот, но и загадочниот првичен официјален молк имено на СПЦ по повод настанот – што е необично позитивен знак кога е СПЦ во прашање! Треба да се очекува дека и сите што сега молчат ќе си го кажат наскоро своето. Бидејќи, ако и кога ќе дојде прашањето за евентуалното официјализирање на црковниот томос – име, статус, јурисдикција и сл. – за автокефалноста на МПЦ-ОА, веројатно ќе излезат проблеми на виделина што сега и не мора да се очигледни.

Она што е позначајно за нашата поширока општествена заедница се современите домашни и геополитички реперкусии од ваквата одлука на Цариград. Тие доаѓаат во време на (повторно) „натегната“ внатрешно-политичка атмосфера во Македонија помеѓу власта и опозицијата, во услови на општопроширен цинизам кон државата, воопшто, и кон политиката, како таква. Контекстот е оптоварен и со актуелната вжештена руско-западна европска и глобална конфронтација, во која значаен дел од македонската јавност си ја држи страната на ужасната воена агресија на Путин во Украина, без оглед на ставовите на Русија за Македонија и за овдешната Црква.

А, да ја скратиме приказната, ова канонско признание на Охридската Архиепископија доаѓа и како директен резултат на повеќегодишните американски напори за стабилизација и просперитет на современата македонска држава. Познато е дека неколку години наназад високи американски дипломати, во повеќе јавни, а веројатно и подискретни наврати, одржуваа долги средби со Патријархот Вартоломеј во седиштето на Вселенската Патријаршија, од чии официјални соопштенија може да се заклучи дека е водена „долга дискусија на разни теми од заеднички интерес“. Сега е јасно – а и тогаш можеше да се насети – дека една од „темите“, повеќе од веројатно, била и оваа одлука на Вселенската Патријаршија.

Тоа, барем што се однесува до Македонија, ја „бетонира“ американската улога во развојот на регионалните прашања на Балканот, во што спаѓа и долгогодишното македонско-американско стратегиско партнерство, клучната асистенција на Вашингтон за постигнување на Преспанскиот договор, за влез на Македонија во НАТО, но и за тековното деблокирање на македонските интеграции во ЕУ – впрочем, додека ова се пишува, бугарскиот премиер Петков е сѐ уште во Вашингтон на разговори со своите американски колеги, меѓу другото, и за бугарските позиции за симнувањето на евро-ветото за Македонија во јуни.

Но, со оглед на домашните македонски партиски и непартиски расположенија, и оваа спектакуларна вест од Цариград веројатно ќе предизвика задоволство кај мнозинството и незадоволство и сомнеж кај помалиот дел од домашната јавност. Ќе има такви кои ќе се запрашаат зошто, баш, сега!? Дали е цариградската поддршка искрена или е на дело некаква нова „стапица“ за „вечноста“ на Македонија? Да не поминеме како Украинците со признавањето на нивната Црква од страна на Цариград? Како тоа ништо меѓународно позитивно не се случува за Македонија кога е ВМРО на власт, туку секогаш кога е СДСМ на кормилото на државата – мора да е некаков „гнил заговор“ во прашање… Итн.

Не е спорно дека веста од Цариград ја надминува важноста само за верските, па и само за православните кругови во државава. Македонија има мачен пат за сопствена стабилизација и меѓународна промоција во изминатите триесетина години, пред сѐ заради сопственото соседско окружување. На тој пат („Со Господ напред“?!) решаваме проблем по проблем, поминувајќи ги „мостовите“ – што би рекле Англосаксонците – кога ќе дојдеме до нив на уште една од „матните реки“ што патемно треба да се „прегазат“.

Еден од тие мостови, со помош на Цариград и нивните „помошници“, тукушто совладавме. Имало Господ и за нашата Црква!


Сите права се задржани. Текстот е личен став на Авторот.
Print Friendly, PDF & Email
Share33Tweet21Send

НАЈЧИТАНИ 5

  • Фото: Принтскрин од емисијата „Бизнис 21“ на ТВ21

    Славески: Мизерно е да ме прашувате за мојата плата од 3.000 евра, никој не ме прашува за гладувањето во САД додека студирав

    498 shares
    Share 199 Tweet 125
  • Вучиќ не ја потпишал декларацијата од самитот во Украина за да не ја „предаде Русија“, понуди помош за реконструкција што предизвика потсмев во Србија

    223 shares
    Share 89 Tweet 56
  • УНХЦР: Во светот има 122 милиони насилно раселени лица

    111 shares
    Share 44 Tweet 28
  • Османи до Мицкоски: Можеш да вреѓаш, да се закануваш, да фрлаш клетви и анатеми, да колнеш, но, ние Албанците не сме гости во оваа земја туку домаќини

    104 shares
    Share 42 Tweet 26
  • Предлогот од ЛДП за воведување една изборна единица на 53. седница на Собрание

    98 shares
    Share 39 Tweet 25

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ