Буџетот на државата ТРЕБА ДА се чита и да се анализира и да се коментира и да се проблематизира. Од институции, организации, граѓани и, пред сè, од пратениците.
За да може тоа да се направи, буџетот треба да биде претставен на начин достапен на различни категории луѓе, а, пред сè, на пратениците (за што воопшто не се бара ниту некоја посебна стручност ниту пак некое посебно знаење или пак интелектуални капацитети).
Вака како што е даден буџетот на државата е нејасен и во голема мера фактички недостапен за поширок број граѓани, а пред сè за пратениците.
Јас, ете, си го читав буџетот (како лаик во областа на финансиите) и во очи ми паднаа неколку интересни моменти (со заплет, а без расплет) за кои мислам дека вреди да се постават прашања од нашите избраници во највисокото тело на власта кое треба да го изгласа овој буџет.
Прво за неколку интересни зголемувања на буџетот. Некои енормно големи, а некои незначителни:
| ЗГОЛЕМУВАЊЕ НА БУЏЕТОТ | ПРАШАЊЕ | |
| ВЛАДА | Зошто е толку зголемен буџетот на Владата? Кои се тие додатни активности и трошоци кои ја поттикнале Владата да бара за себе самата толкаво зголемување? Овде е потребно многу прецизно и децидно објаснување за секој зголемен трошок, а не само некое паушално објаснување. | |
| Година – илјади денари | ||
| 2018 – 2.072.185 | 2019 – 3.914.665 | |
| СЕКРЕТАРИЈАТ ЗА СПРОВЕДУВАЊЕ НА РАМКОВНИОТ ДОГОВОР | Што е тоа што бара зголемени средства за спроведување на договорот кој веќе е преточен во Уставот и во законите? Кои се тие активности кои бараат толкав трошок, а кои излегуваат надвор од редовното работење на државните институции и редовното следење на спроведувањето на Уставот и на законите? И како тоа за сите помали заедници (под 20%) е предвидено трошење десет пати помало од она кое што е предвидено само за една заедница на која пред се’ се однесува Рамковниит договор? | |
| 2018 – 611.300 | 2019 – 628.363 | |
| АГЕНЦИЈА ЗА ОСТВАРУВАЊЕ НА ПРАВАТА НА ЗАЕДНИЦИТЕ | ||
| 2018 – 10.650 | 2019 – 11.123 | |
| МИНИСТЕРСТВО ЗА ФИНАНСИИ | Кои се тие нови и зголемени активности на Министерството за финансии кои бараат три пати поголем буџет од претходниот? | |
| 2018 – 730.833 | 2019 – 2.033.025 | |
| УПРАВА ЗА ЈАВНИ ПРИХОДИ | Што ќе прави УЈП во полза и во интерес на граѓаните за да се бара два пати поголем буџет од претходниот? Дали можеби планираат во електронски систем на даночна пријава да ги вклучат и кучињата- скитници? | |
| 2018 – 719.600 | 2019 – 1.101.325 | |
| ДИРЕКЦИЈА ЗА ТЕХНОЛОШКИ ИНДУСТРИСКИ РАЗВОЈНИ ЗОНИ | Во 2012 година од позиција на опозиција СДСМ го критикува отворањето голем број индустриски развојни зони „Да се видат можностите кои потенцијални инвеститори би дошле и доколку има доволен интерес, тогаш да се оди на отворање на технолошко – индустриско развојни зони или развојни зони. Во спротивно, се останува во сферата на реклама и маркетинг, а реално нема инвеститори или изградени фабрики во Република Македонија.“ Врз основа на кои анализи сега од позиција на власт мисли дека треба да се дуплира буџетот на Дирекцијата за истите тие индустриски развојни зони? | |
| 2018 – 822.700 | 2019 – 1.399.400 | |
| ДРЖАВЕН ИНСПЕКТОРАТ ЗА ЖИВОТНА СРЕДИНА | Доколку заштитата на животната средина е приоритет, а е веќе посочен проблемот со идентификување на големите загадувачи, зар не би било логично да се зголемат средствата на овој инспекторат барем дупло од она малку што го имал во претходниот период? | |
| 2018 – 20.202 | 2019 – 29.925 | |
| ДРЖАВЕН ИНСПЕКТОРАТ ЗА ГРАДЕЖНИШТВО И УРБАНИЗАМ | Ако се има предвид хаосот во урбаното градење зар не е логично видливо зајакнување на овој инспекторат, наместо шминкање со минимална финансиска поддршка? Или, прво ќе почекаме урбаната мафија да ги заврши започнатите проекти па … да почне со нови? | |
| 2018 – 14.345 | 2019 – 15.562 | |
| ДРЖАВЕН ИНСПЕКТОРАТ ЗА ШУМАРСТВО И ЛОВСТВО | Во услови на пустошење на шумите и неконтролирано ловење на дивеч, зголемувањето од 1000 не е смешно туку може да биде само трагично. | |
| 2018 – 17.300 | 2019 – 18.458 | |
| АГЕНЦИЈА ЗА КАТАСТАР НА НЕДВИЖНОСТИ | Три пати поголемиот буџет ка Агенцијата за катастар навистина бара посебно објаснување. | |
| 2018 – 200.000 | 2019 – 675.810 | |
А има и намалувања на буџетот за кои вреди да се постават прашања:
| НАМАЛУВАЊЕ НА БУЏЕТОТ | ПРАШАЊЕ | |
| ДРЖАВЕН ИНСПЕКТОРАТ ЗА ТЕХНИЧКА ИНСПЕКЦИЈА | Зошто се намалуваат средствата на инспекторатите кои се поврзани со заштитата на работниците и на граѓаните и тоа во областите кои веќе се идентификувани како ризични и проблематични? Државниот инспекторат за техничка инспекција меѓу другото е надлежен за инспекција на рудниците и вршењето на геолошките истражувања и експлоатацијата на минералните суровини (област во која граѓаните имаат големи несогласувања со власта). Комуналната хигиена е една од рак раните на државата. Во областа на повредите на работно место Македонија зазема високо место на европската мапа. | |
| 2018 – 22.359 | 2019 – 22.045 | |
| ДРЖАВЕН КОМУНАЛЕН ИНСПЕКТОРАТ | ||
| 2018 – 12.909 | 2019 – 12.264 | |
| ДРЖАВЕН ИНСПЕКТОРАТ ЗА ТРУД | ||
| 2018 – 106.950 | 2019 – 104.375 | |
| МИНИСТЕРСТВО ЗА КУЛТУРА | Овие две министерства се единствените за кои е предвидено намалување на буџетот (и тоа не мало, туку многу значајно намалување). Што ја поттикнало Владата да предложи вакви мерки во однос на овие две министерства? | |
| 2018 – 314.350 | 2019 – 227.145 | |
| МИНИСТЕРСТВО ЗА ЛОКАЛНА САМОУПРАВА | ||
| 2018 – 440.400 | 2019 – 277.794 |
Буџетот на една владеачка структура зборува за политиките кои ги спроведува, за намерите, за правецот на развој на државата.
Трошењето на парите собрани од граѓаните не смее да биде произволна желба на власта, туку осмислена активност која се базира на многу јасни премиси.
ВМРО-ДПМНЕ создаде услови за многу лесно крадење на парите на граѓаните. Основна задача на оваа власт е не само да ја казни претходно направената кражба, туку да спречи создавање услови за нова.
ЗАБРАНЕТО И ЗА ДЕЛУМНО ПРЕЗЕМАЊЕ ПРЕД 12 ЧАСОТ
Преземање на содржините НЕ Е ДОЗВОЛЕНО, освен со писмена дозвола од ЦИВИЛ. Повредата на авторските права е забранета со закон.
Услови за користење, авторски права и заштита на приватноста
Врз основа на договор за соработка, оваа содржина е достапна за Плусинфо и Слободен печат без ограничувања.
