Дерала, ЦИВИЛ: Ние во текот на нашата работа на долгорочното набљудување на референдумскиот процес забележуваме дека изборниот законик сè уште страда од сериозни недостатоци кои може да резултираат со повреда на гласачкото право. Една од нашите сериозни забелешки е тоа дека оние луѓе кои ќе се најдат во ситуација да патуваат во странство во последните денови пред денот на референдумот немаат можност да се пријават како гласачи во дипломатско конзуларните претставништва на Македонија. Тоа е така затоа што тоа не е предвидено со законите и процедурите. Тоа сметам дека сепак може да се коригира во наредните денови, со еден дополнителен акт кој нема зошто да го загрозува законот бидејќи тој е доволно широк и прилично несовршен. Така што еден акт којшто ќе им помогне на овие граѓанки и граѓани да го исполнат своето право на глас низ светот, мислам дека треба да се обезбеди и овозможи.
Во овој момент ние имаме четири случаи на граѓанки и граѓани кои ќе се наоѓаат во два града и кои не знаеле дека ќе патуваат во странство во моментот кога можеле да се пријават како гласачи во странство. Но на крајот на краиштата дури и да сакале да го направат тоа, колку што сум информиран Законот не им дозволува да го направат тоа бидејќи не се пријавени најмалку 6 месеци за престој во странство.
Вие имате една сериозна бројка на луѓе коишто ќе бидат мобилни во тој период, на тој ден, кои едноставно ќе бидат лишени од правото да гласаат, што е повреда. Што не е коректно од страна на државата да не мисли на овие луѓе кои сакаат да гласаат а се оневозможени. Знаете тоа е како да ги затворате луѓето во кафез. Кога е референдумскиот ден, или изборниот ден, сеедно, да не им дозволувате ништо друго да прават освен да се фокусираат на гласање. Како да немаат друг живот.
Маја Ивановска
Камера и фотографија: Атанас Петровски
Монтажа: Ариан Мехмети
Видео-став на ЦИВИЛ е содржина што се објавува секојдневно и се однесува на актуелните општествени состојби.
Услови за користење, авторски права и заштита на приватноста
Преземање на содржините под различни услови од наведените НЕ Е ДОЗВОЛЕНО, освен со писмена дозвола од ЦИВИЛ. Повредата на авторските права е забранета со закон.
