Руските окупатори прават обиди да ги заплашат локалните жители во привремено окупираниот град Херсон, ширејќи лажни извештаи за наводно гранатирање на градот од страна на украинската војска. Сепак, руската пропаганда нема да ги постигне своите цели, објави шефот на Кабинетот на претседателот на Украина, Андриј Јермак на Телеграм, јавува дописникот на Укринформ.
„Русите се обидуваат да ги заплашат жителите на Херсон со лажни извештаи за гранатирање на градот од страна на нашата војска, како и правење пропагандистички емисии со евакуација“, напиша Јермак.
Според неговите зборови, тоа е прилично примитивна тактика. За разлика од руските терористи, чии авиони случајно паѓаат во станбени куќи дури и во Русија, Вооружените сили на Украина не ги гранатираат украинските населби, нагласи Јермак.
„Пропагандата ќе пропадне. Сè ќе биде Украина“, додаде Јермак.
Потсетување дека шефот на регионалната воена управа на Миколаев, Виталиј Ким претходно изјави дека руските напаѓачи подготвувале позиции за гранатирање на градот Херсон.
Подготви: Д.Мишев
