Социјалдемократскиот сојуз на Македонија (СДСМ) на вчерашната прес-конференција упати низа критики кон општините предводени од ВМРО-ДПМНЕ.
„Општините предводени од ВМРО-ДПМНЕ се отсликуваат со „неспособност, хаос и партизација, и тоа е заедничко за речиси сите општини предводени од градоначалници од ВМРО-ДПМНЕ.Тоа е најизразено во Скопје, кој денес е блокиран град без функционални претпријатија и градска администрација“, изјави портпаролот на СДСМ Дарко Каевски.
На прашањето на ЦИВИЛ Медиа, „Што точно во законска рамка ќе преземе Владата за да го санкционира лошото владеењето во општините? потпаролот на СДСМ Дарко Каевски изјави дека „ВМРО-ДПМНЕ во речиси повеќе од 40 општини е власт ширум цела држава и за овие една година видовме апсолутно ништо“.
Апсолутно нема нови пројекти, нема тоа што го очекуваат граѓаните наспроти тоа имаат масовна партизација, има масовно трошење на парите на граѓаните, рече Каевски.
Тој понатаму истакна дека СДСМ секојдневно му укажува на граѓаните за проблемите и слабостите који што ги направија градоначалниците на ВМРО-ДПМНЕ и ќе продолжи во иста мера се со цел што е можно повеќе да апелира и потенцира дека градоналчаниците који што доаѓат од редовите на ВМРО-ДПМНЕ крајно време е да засукаат ракави и да се фатат за работа.