Министерството за правда ги демантира информациите дека набавило кафемат во вредност од над еден милион евра.
Станува збор за грешка на веб-страницата на Бирото за јавни набавки, кое по реакција на Министерството е коригирана, велат од Министерството.
Министерството за правда, појаснуваат, има склучено договор со фирмата „Медикал маркетинг“ ДООЕЛ за годишна набавка на кафе во вредност до 60 илјади денари (без ДДВ).
Кафематот за кој се пишува дека чини над милион евра е добиен од истата фирма на користење без надомест, односно Министерството нема трошоци за него и ќе биде вратен по истекот на договорот. Вредноста не мора да биде искористена во целост доколку вредноста на доставеното кафе е помала од истата, односно колку ќе се потроши толку ќе се плати за една година, при тоа да не се надмине износот од договорот, посочуваат од Министерството.
Но, и покрај демантот од Министерството за правда, сепак на социјалните мрежи, особено на Твитер, од „штабските кафемати“ продолжи да се „вари“ лажната вест дека Министерството за правда набави кафемат од над 1 милион евра. Меѓу тие што ја споделуваат лажната вест се и Богдан Илиевски познат на Твитер како Бетмен велит, Шефот, Дорчо, Курвин Водењак, Фортификација, Марга, МаќеТо итн.
Покрај профилите што шират лажни вести и дезинформации, имаше и такви кои споделуваа дека се работи за грешка, и дека кафематот не чини милион евра.
Дезинформациите имаат за цел да влеваат недеоверба во институциите. И покрај брзата реакција на Министерството за правда дека се работи за грешка, сепак не ги спречи одредени профили на Твитер да продолжат да ја шират лагата.
Д.М.
