Од дневникот на набљудувачите на ЦИВИЛ кои денес го покриваат изборниот процес во општина Чаир, е забележано масовно излегување на гласачкото тело кои припаѓаат на друга етничка припадност во однос на двајцата кандидати за градоначалник коишто се наоѓат во вториот круг.
На прашањето, која е причината за високата излезност да се гласа кандидат кој не е од вашите редови, одговорот беше краток и јасен – „Кандидат немаме, но имаме противкандидат“.
Правото на глас го искористи и кандидатката за градоначалничка на општина Чаир, која не успеа да влезе во вториот круг. Резултатот од првиот изборен круг за градоначалник на општина Чаир беше мошне тесен и затоа се претпоставува дека гласовите на гласачите од друг етникум ќе бидат одлучувачки во изборот на идниот градоначалник.
Фари Хисени
