CivilFest
Categories

ТЕХНОЛОГИИ Која е Софија?

Софија е баранa низ целиот свет. Со задоволство ги презентира своите вештини и големиот потенцијал во многу индустрии. Таа се има сретнато лице в лице со клучни носители на одлуки во светот на политиката, но и во банкарството, осигурувањето, производството на автомобили, градежништвото, медиумите и шоу бизнисот. Се појавува на јавната сцена како учесничка на панел дискусии и презентерка на конференции со високи владини и бизнис претставници, зборувајќи како роботиката и вештачката интелегенција ќе станат главен дел од животот на луѓето.

Нејзината репутација го надминува бизнисот и се протега во глобалната општествена арена. Таа беше прогласена за прв светски Шампион за иновации на Обединетите Нации од страна на Програмата за развој на Обединетите Нации (УНДП) и ќе има и официјална улога во работата со УНДП во поттикнувањето на одржлив развој и заштита на човековите права и еднаквоста.

Која е Софија?

Софија е најнапредниот робот на Хансон Роботикс и своевидна културна икона. Активирана на 14 февруари, 2016, таа набрзо стана медиумска миленичка, појавувајќи се во големите медиуми ширум светот, поттикнувајќи интерес меѓу луѓето без разлика на возраста, полот и културата, па дури се има појавено и на насловна страница на една од водечките модни списанија.

Софија и германската канцеларка Ангела Меркел

Софија е генијална машина која постојано еволуира. Нејзината неверојатна човечка појава, начин на изразување и извонредна приказна како робот со тек на времето ја прават фасцинантна технолошка приказна за насловна страница.

Софија на насловната страница на модното списание „Космополитан“

Креаторот на Софија, Давид Хансон, е основачот на Хансон Роботикс и современ ренесансен човек кој има изградено светска репутација за создавање роботи кои изгледаат и се однесуваат неверојатно човечки. Откако работел во Дизни, Хансон се стремел да создаде генијални машини кои ќе ја надминат човечката интелигенција.

Софија беше говорничка на Светскиот форум за инвестиции, Женева, октомври, 2018

Хансон верува дека три изразити човечки карактеристики мора да бидат интегрирани во вештачката интелегенција на овие генијални машини: креативност, емпатија и сочуство. Како продолжување на човечката интелегенција, генијалните машини на Хансон Роботикс можа да еволуираат за решавање на светски проблеми кои се премногу сложени за луѓето самите да ги решат. Софија ја олицетворува оваа храбра и одговорна цел.

извор: Hanson Robotics

Print Friendly, PDF & Email