За конфликтот меѓу Израел и Палестина постојано се шират шпекулации, невистини и непроверени вести во јавноста. На социјалните мрежи и во дел од медиумите се шири говор на омраза и дезинформации.
„Ај ши*****, ај палестинци исти гомна се. Така и вие северните не знаете кај нуркате со глата“, пишува том том на социјалната мрежа Х, позната како Твитер.
Ниту еден конфликт не може да помине без да му се даде македонски контекст, односно да се обидат одредени структури политички да профитираат. Лидерот на Левица, Димитар Апасиев предничи во „поддршката“ на Хамас.
Апасиев на социјалните мрежи напишал: Десничарите се за Израелците. Левичарите – за Палестинците. На овој статус реагираше поранешниот градоначалник на Скопје, Петре Шилегов пришто напишал: „А оние што имаат барем 2 грама памет се против војна и човечки жртви…“.
Дел од ботовите не изоставија да го „оцрнат“ Рамковниот договор и Бадентер.
Советникот на Левица во општина Аеродром, познат како Чиз, ја „прославува“ акцијата на Хамас, со дефокус, споредувајќи ја со „неуспехот“ на НАТО во Украина.
Самопрогласениот политичар Петар Богојески од Македонски концепт, шири лажни вести дека во Чаир, Скопје на надвозникот кај “Јахја Паша” се поставени знамиња на Палестина и според него „проамериканските Албанци прославуваат исламистичка интифада и масакар врз цивили“.
Истата фотографија ја сподели и Миленко Неделковски.
Меѓутоа вистината е дека оваа фотографија во Чаир е од 2021, мај, и ја објави порталот МКДенес, кој неофицијално е на Петар Богојевски, со наслов „Скопје под опсада.“
Непотврдени видеа за киднапирани и малтретирани деца
Многу корисници на социјалните мрежи споделуваа видео за кое тврдат дека покажува како Хамас ги држи израелските деца во кафези.
Корисникот Ashlea Simon@AshleaSimonBF на Твитер напиша: „Израелски деца киднапирани и чувани во кафези од Хамас. Ова е варварско, но што очекувате од дивјаците“.
Видеото имаше повеќе од еден милион прегледи.
Корисникот Џексон Хинкл, исто така, на Твитер напиша: „Виралното видео во кое се тврди дека прикажува израелски деца киднапирани и чувани во кафези од Хамас е лажна (првично споделена од Рајбар).
На десната страна се лицата на палестинските деца кои всушност биле убиени од израелските сили“.
Но, дали е ова навистина така?
На Фејсбук се споделуваат видеа на палестински деца кои наводно се држени во кафези од израелските одбранбени сили. Всушност, во извештајот на Sun News во 2017 година се зборува за палестински деца кои се држат во кафези. Тековното видео кое стана вирално на социјалните мрежи всушност е старо, а не тековно како што се прикажува.
Мониторинг тимот на ЦИВИЛ продолжува со својата работа уште поинтензивно. Со оглед на обемната материја, потребна е помош од совесните граѓанки и граѓани, кои можат да пријавуваат случаи на дезинформации, говор на омраза и други облици на нарушувања во јавната комуникација, како и загрозување на човековите права и слободи.
ЦМТ
