Од Тирана, каде што се одржува шестиот самит на Европскa политичка заедница, претседателот на Европскиот совет, Антонио Кошта, изјави дека „светскиот поредок е поткопан од многу страни“, нагласувајќи дека по завршувањето на Втората светска војна „изградивме нов светски поредок заснован на Повелбата на ОН, меѓународното право и меѓународната и трговската соработка“.
– Секако, тој меѓународен поредок не беше совршен, но ни понуди многу добра рамка за мир и растечки просперитет, особено овде во Европа. Сега овој светски поредок базиран на правила е поткопан од многу страни. Руската агресија врз Украина повторно ја донесе големата војна на европскиот континент, а оваа војна е напад врз меѓународната заедница, врз сите принципи што ги сметаме за драги, како што се националниот суверенитет, функционирањето на меѓународните граници и територијалниот интегритет на нашите земји, рече тој, објави АТА.
Зборувајќи за ситуацијата во Газа, Кошта додал „Тоа е ситуација што претставува хуманитарна трагедија. Значи, меѓународното право се крши кога луѓето се нападнати со индиректна сила“.
– Со децении, меѓународната соработка и трговијата ги зближуваа луѓето и ги правеа попросперитетни. Во меѓувреме, оваа меѓузависност што ја создадовме стана инструмент на моќ и притисок, рекол тој.
Од друга страна, според него „начинот на кој функциониравме во мултилатералниот поредок значеше дека имаме мир, безбедност, и покрај климатските промени, ги промовиравме човековите права, сите овие прашања кои можат да се унапредат само ако соработуваме колективно“.
Обраќајќи му се на украинскиот претседател Зеленски, Кошта нагласил дека „знаеме, драг Володимир, дека вашата безбедност е и наша безбедност. Европа мора да инвестира повеќе во својата одбрана, бидејќи научивме дека мирот без одбрана е илузија“.
– Европа мора да успее во создавањето на соодветни услови за да има вистинско решение за мир на Блискиот Исток, бидејќи ако не го сториме тоа, тоа ќе ја поткопа не само безбедноста на цела Европа и другите соседни земји, туку и нејзиниот авторитет. Европа мора да успее во продлабочувањето, но и во проширувањето на своите мрежи на глобална трговија и просперитет, порачал Коста.
Не смееме да подлегнеме на искушението на протекционизмот, но мора да имаме партнерства, изјавил, додавајќи дека „затоа, Европа мора да успее во одбраната на мултилатералниот поредок, водејќи се и со пактот за иднината. Со почитување на Парискиот договор за климатските промени, со заштита на океаните како глобално добро за сите и, секако, со продолжување да биде силен и поддржувачки столб на ОН и Европа ќе успее“.
Кошта подвлекол дека „ЕУ е подготвена и има волја да ја игра оваа целосна улога во оваа нова Европа, во овој нов свет преку тесна соработка со сите наши европски партнери“.
– Новата ЕУ ќе биде сигурен партнер за европска интеграција, но и за соработка во енергетиката, безбедноста, одбраната и заштитата на климата. Мораме да ја искористиме оваа енергија, оваа мотивација токму за иднината на децата и енергијата на нашиот пријател Еди Рама за да можеме да работиме заедно како Европејци, заклучи претседателот на Европскиот совет, во обраќањето, пренесе МИА.
