Европската народна партија (ЕПП) е информирана за политиката на ВМРО-ДПМНЕ кон Бугарија. Постојат опции за замрзнување на членството и отстранување на партијата од групата. Скопје го прекршува Договорот за добрососедство, вели бугарскиот европратеник од ГЕРБ/ЕНП Андреј Ковачев во интервју за БГНЕС, пренесува Актуално.
На прашањето какви ќе бидат последиците од ставовите на македонскиот вицепремиер Александар Николоски, Ковачев одговори вака:
„Серијата провокации (од македонска страна) на никаков начин не беа предизвикани од Бугарија, покажуваме крајно цивилизиран европски став. Повеќе пати сме подале рака и јасно е дека станува збор за намерна неподготвеност за евроинтеграции од страна на владетелите во Скопје, затоа, веќе ја информиравме ЕПП, има процедури, етичка комисија, има опции за замрзнување на членството и отстранување на една од партиите.
За заедничка историја и корени
Андреј Ковечав ја коментираше и изјавата на македонскиот вицепремиер Николоски дека Бугарите и Македонците немаат заедничка историја или заеднички корени:
„Секако дека не. Многупати сме имале разговори со него, со Никола Груевски, со Христијан Мицкоски, со актуелниот министер за надворешни работи (Тимчо Муцунски) и со претходните министри за надворешни работи. Тие не разговараа на ваков начин. Николоски ми кажа дека знае се и затоа сум крајно изненаден, ова е прекршување на Договорот за добрососедство од 2017 година. Академската комисија мора да донесе одлуки и да им предложи на владите општи прослави како и измени во учебниците за да се спречи говорот на омраза. За жал, овој говор на омраза сега доаѓа од самите претставници Многу е важно да се нагласи дека Бугарија не ја користи оваа тема пред изборите Се обидуваат да кажат дека темата се отвора затоа што имало избори во Бугарија.
И во Брисел без македонско знаме
Инаку, Мицкоски вчера беше во Брисел и му ја покажа фотографијата со претседателката на Северна Македонија, Гордана Силјановска, на еврокомесарот за проширување Оливер Вархеи. На Вархеи му ги испратив фотографиите со претседателот и премиерот на Хрватска со Мицкоски, на кои го нема македонското знаме. Таму посетата беше официјална, но никој не фрли бес. Посетата на Силјановска на Софија беше неофицијална. Од гледна точка на протоколот, немаше барање за истакнување на знамето на Северна Македонија“.
