Неуспешен обид на пратеникот од ВМРО-ДПМНЕ, Драган Ковачки да шири лажни вести обидувајќи се да освои ситни политички поени. Последниот негов обид е објавена фотографија од концерт на Лепа Брена и Драгана Мирковиќ од Софија да ја претстави како салата Борис Трајковски во Скопје каде што ќе се одржи Самитот на ОБСЕ.
Поставените столчиња и маси за концертот тој се обиде да ги претстави како уредувањето на салата Борис Трајковски, каде идната недела ќе се одржи самитот на ОБСЕ на кој ќе присуствуваат повеќе од илјада учесници од 70 странски делегации.
Обидот за дискредитација на министерскиот самит на ОБСЕ за време на претседавањето на Северна Македонија со организацијата од страна на Ковачки само покажува дека ВМРО-ДПМНЕ повторно застанува против државата и стратешките интереси.
Откако е разобличен пратеникот Ковачки дека шири дезинформации, тој ја избриша фотографијата и наместо да им се извини на граѓаните, тој „се жали од Џабирите“, дека не му дозволија слободно да си лаже и да прави политичка пропаганда. Односно признава дека само 3 минути имал можност да ги лаже граѓаните.
„Гледам дека мнозина Џабири и неколку перјаници на СДС оркестрирано се загрижија за Самитот на ОБСЕ. Добро е што ревносно ги следат сите мои постови, па и оној редок случај кој откако приметив дека фотографијата не е вистината веднаш го избришав. Постот траеше 3 минути, ама срамот на оваа власт, маката и пљачката на граѓаните трае 7 години“, напиша на социјалните мрежи пратеникот на ВМРО-ДПМНЕ, Драган Ковачки.
Ова не е прв пат Ковачки, кој ја напушти Армијата за да биде пратеник, да споделува лажни вести во обид да креира револт и освои ситни политички поени.
Претходно тој објави дека во Косово биле уапсени припадници на военото разузнавање, вест која што сите служби ја демантираа.
Исто така претеникот на ВМРО-ДПМНЕ, Драган Ковачки преку објава на социјалните мрежи се обиде да ги вознемири граѓаните ширејќи невистини за наводно нелегално присуство на полициските службеници од Косово, кои всушност дојдоа да помагаат во потрагата по возилото од Косово кое падна во реката Лепенец пришто загинаа три лица.
ЦМТ
