Министерот за надворешни работи на Украина Дмитро Кулеба и претседателот на Северна Македонија Стево Пендаровски се согласија дека двете земји се придружници, а не конкуренти на нивниот евроинтегративен пат, објави на Твитер шефот на украинската дипломатија Кулеба по средбата со претседателот на Северна Македонија.
„Се сретнав со претседателот на Република Северна Македонија, Стево Пендаровски. Поддршката на Скопје за Украина во овие тензични времиња останува непоколеблива. Украина секогаш ќе го памети ова. Ние исто така се согласуваме дека на патот на интеграцијата во ЕУ Украина и Северна Македонија се придружници, а не конкуренти. твитна првиот дипломат.
Met with President of the Republic of North Macedonia @SPendarovski. Skopje’s support of Ukraine in these tense times remains steadfast. Ukraine will always remember this. We also agree that on the EU integration path Ukraine and North Macedonia are companions, not competitors. pic.twitter.com/5Kno1BP5zl
— Dmytro Kuleba (@DmytroKuleba) May 25, 2022
Министерството за надворешни работи претходно изјави дека смета дека е неправедно поврзувањето на кандидатскиот статус на Украина во ЕУ со напредокот во интеграцијата на Западен Балкан и ја повика Европа да бара решенија, а не изговори.
Подготви: Д.Мишев