Руските агресори извршија напад од воздух и го уништија Драмскиот театар во центарот на Мариупол, во кој засолниште од бомбите побараа стотици луѓе.
Украинскиот шеф на дипломатијата, Дмитро Кулеба на Твитер напиша:
„Уште едно ужасно воено злосторство во Мариупол. Масовен руски напад на Драмскиот театар каде се криеја стотици невини цивили. Зградата сега е целосно руинирана. Русите не можеа да не знаат дека ова е цивилно засолниште. Зачувај го Мариупол! Стоп за руските воени злосторници!“
Another horrendous war crime in Mariupol. Massive Russian attack on the Drama Theater where hundreds of innocent civilians were hiding. The building is now fully ruined. Russians could not have not known this was a civilian shelter. Save Mariupol! Stop Russian war criminals! pic.twitter.com/bIQLxe7mli
— Dmytro Kuleba (@DmytroKuleba) March 16, 2022
„Денес руските трупи намерно и цинично го уништија Драмскиот театар во срцето на Мариупол. Авионот фрли бомба врз зградата во која се криеја стотици мирни жители на Мариупол. Сè уште е невозможно да се процени размерите на ова ужасно и нехумано чин, бидејќи се уште се гранатираат станбени области во градот“, го пренесува Укринформ, соопштението што Градскиот совет на Мариупол го објави на Телеграм.
Според соопштението, во бомбардирањето биле уништени централниот дел на театарот и влезот во засолништето од бомби во зградата. Се проценуваат информациите за жртвите.
„Невозможно е да се најдат зборови кои би можеле да го опишат нивото на суровост и цинизам со кои руските окупатори го уништуваат цивилното население на украинскиот пристанишен град. Жените, децата и постарите лица остануваат цел на непријателот. Овие се целосно невооружени мирни луѓе. Очигледно е дека единствената цел на руската армија е геноцидот врз украинскиот народ“, соопшти Градскиот совет.
Градскиот совет истакна дека колку време и да помине, Украинците никогаш нема да простат ниту една жртва, ниту една капка крв што е пролеана поради оваа луда војна.
Претходните извештаи велеа дека 2.187 жители на Мариупол биле убиени во руските напади до 13 март.
Д.Мишев
