Центарот „Лoja“, регионалните #Трансформатори и Еко герила се шокирани од денешниот вандализам прикажан од општинските власти во Тетово.
„Дури и во најтемни времиња, слободата на изразување не е запрена како денес во Тетово!
Денес групата #Трансформатори (Граѓански активисти кои ја користат уметноста како форма на протест) прикажаа три инсталации: Валканото во центар, Trash чудовиште и Гранд При Тетово со фотографии од разни локации во Тетово заедно со нереализирани предизборни ветувања од општината. Но, дури и половина час по поставувањето на изложбата, луѓето со службен автомобил од Општина Тетово дојдоа, ја уништија и ја отстранија изложбата“, велат организациите од Тетово.
„Овој скандалозен чин на бандата на градоначалникот е сериозно кршење на човековите права и слободата на изразување, што не ни се случи ниту во претходниот режим. Сè додека нашата држава има за цел членство во НАТО и ЕУ, функционирањето на владеењето на правото во Тетово не го докажува истото. Го повикуваме Премиерот, медиумите и дипломатскиот кор да извршат притисок врз Општина Тетово да го почитува уставот и правата на граѓаните за слобода на изразување“, реагираат здруженијата.Тие се надеваат дека, остатоците од изложбата (во багажот на колата на градоначалничката) ќе послужат да ги потсети општинските власти за нереализираните ветувања.