Заменик претседателката на СДСМ, Сања Лукаревска во емисијата „Трилинг“ кажа дека власта разговара со сите политички чинители во рамки на Парламентот со цел да се поддржат уставните измени и да продолжи европскиот пат на земјата.
Прогресивните сили мора да победат, кажа Лукаревска, додавајќи дека СДСМ е државотворна партија која често била исправена пред носење исправни и државнички одлуки.
Одговарајќи на новинарско прашање таа истакна дека предвремени парламентарни избори нема да има, туку дека тие ќе се одржат во редовниот термин во 2024 година. Лукаревска додаде дека постои одлична соработка во владината коалиција, а се осврна и на партиските активности.
СДСМ е меѓу граѓаните на терен, за да ги чуеме забелешките на граѓаните. Од она што можев да го чујам, можам да заклучам дека СДСМ е на прав пат, имаме грешки, но не сме на лош пат, истакна Лукаревска.
