Растот на македонската економија годинава ќе изнесува 3,2 процента, прогнозира Светска банка во најновиот извештај за економските перспективи.
Според СБ, во Македонија по надминувањето на политичката криза, која имаше влијание на економијата, главни проблеми остануваат невработеноста, фискалната консолидација и можноста за зголемување на фискалниот дефицит поради најавените трошоци за инфраструктурни проекти.
Со проекцијата на СБ за следната година се предвидува раст на македонскиот БДП од 3,9 проценти и од 4 проценти во 2020 година.
Како и во есенскиот редовен извештај за економијата во ЈИЕ, СБ прогнозира раст од 1,5 проценти на македонската економија во 2017.
Од земјите во регионот, според СБ, Албанија годинава ќе има раст од 3,6 проценти, БиХ 3,2 процента, Бугарија 3,3 проценти, Хрватска 2,6 проценти, Црна Гора 2,8 проценти, Србија 3 проценти, а Косово 4,8 проценти.
СБ проценува дека глобалната економија годинава ќе се подобрува и предвидува раст од 3,1 процент.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
Одговорноста за редакциското опремување на текстовите (наслов, наднаслов, фотографија, тагови) е на ЦИВИЛ Медиа.
