Categories

ТРАГЕДИЈА Малолетници загинаа во стампедо во дискотека во Италија

Петмина тинејџери меѓу 14 и 16 години се жртви во стампедо во диско-клубот во италијанскиот град Кориналдо, како и една 39-годишна жена, мајка на еден од децата кои биле во клубот.

Трагедијата се случила во 1 часот кога непознато лице почнало да фрла непозната супстанца, по што настанала паника и почнале да бегаат. Присутни во диско клубот дадоа исказ дека успеале да стигнат до излезите за евакуација, но тие биле затворени и им било наредено да се вратат назад. Тоа резултирало со уште поголеми турканици.

Од Министерството за внатрешни работи на Италија соопштија дека имаат сознанија дека во моментот на несреќата, бројот на посетители бил повеќе од максимално дозволениот, а исто така се проверува и зошто некои излези за евакуација не работеле, како што претходно изјавија очевидци.

image_pdf image_print
Print Friendly, PDF & Email