Додека американскиот претседател Доналд Трамп врши притисок врз Украина, укинувајќи ја сета воена помош и прекинувајќи го споделувањето на разузнавачките информации со Кијив, руските сили лансираа проектили кон различни региони на Украина во текот на ноќта на 7 март, насочени кон енергетската и гасната инфраструктура низ целата земја.
Украинската енергетска и гасна инфраструктура повторно се најде под масивен напад со проектили и беспилотни летала од страна на Русија, објави ова на Фејсбук украинскиот министер за енергетика Герман Галушченко.
Како што пренесува Кијив индипендент, најмалку две лица се повредени како резултат на нападите откако руски проектил оштети две станбени згради во областа Полтава, при што беа повредени еден возрасен и едно дете. Веднаш нема информации за состојбата на нивните повреди.
Халушченко веднаш не кажа каде е погодена критичната инфраструктура, но истакна дека „спасувачите и енергетските работници“ се на местото на настанот за да обезбедат итна реставрација.
Русија редовно лансира ракети насочени кон различни региони на земјата. Руските сили постојано ја гаѓаат критичната инфраструктура на Украина додека Русија продолжува да ја тестира одлучноста на Украина во суровите зимски месеци.
Во услови на пауза на САД за споделување разузнавачки информации со Кијив, Њујорк тајмс објави на 5 март, цитирајќи неоткриени американски и украински официјални лица дека паузата влијае на предупредувањата против руските беспилотни летала и ракети кои напаѓаат украински воени и цивилни цели.
Русија првично лансираше серија проектили околу 4 часот наутро по локално време, насочени кон различни региони на крајниот запад на земјата. Втората серија проектили влегла во украинскиот воздушен простор околу 6 часот наутро.
Експлозии беа пријавени во западниот град Тернопил околу 5 часот по локално време, по првата серија напади, објави Суспилне. Подоцна утрото, околу 6:30 часот се слушнале експлозии во градот Харков на првата линија на фронтот.
Регионалниот гувернер на Тернопилската област, Виачеслав Нехода, објави дека критична инфраструктурна постројка во регионот бил погоден со руски проектил. Иако нема информации за повредени, Нехода додаде дека снабдувањето со гас може да биде прекинато како резултат на нападот.
За време на нападот, забележана е штета и на гасовод во областа Полтава. Веднаш нема информации за големината на штетата.
Според гувернерката Свитлана Онишчук, мета биле објектите на критична инфраструктура, исто така, во Ивано-Франковската област, иако нема информации за штети или жртви.
ПВО беше активна во сите региони на Украина поради ракетните закани.
Д. Мишев
