Првиот потпретседател на Владата и министер за животна средина и просторно планирање Изет Меџити во дебатниот магазин „Клик Плус“ на ТВ21 изјави дека е оптимист дека уставните измени ќе се спроведат.
Откако Албанија се одвои од пакетот со Македонија и ќе го отвори првото поглавје во преговорите со Европската унија, тој изјави дека, за разлика од предходната влада, интензивно работат на придвижување на ова прашање
„Претходните влади многу зборуваа, но ништо не направија. Помалку зборуваме и мислам дека интензивно работиме на изнаоѓање решенија и придвижување на ова прашање. Убеден сум и секојдневно работиме во оваа насока“, рече Меџити.
Првиот вицепремиера на ТВ21 порача дека на Албанија и посакува среќа на патот кон Европската Унија, како што вели, како Албанец го радува фактот и посакува нивно брзо европско интегрирање.
„Што се однесува до Македонија, може мал дел, но поголемиот дел од вината не е поради оваа влада која владее 100 дена, туку поради нереформските политики на минатите влади и поради таа причина го загубивме чекорот со Албанија во овој случај“, вели Меџити.
Тој вели дека доколку сега зборуваат за уставните измени и вметнувањето на Бугарите во Уставот тие си земале за обрска толку колку што им следува.
„Како пратеник Албанец, колку се, триесетина, почнете процедура за промена на уставот, нема никаква дилема дека сите Албанци ќе гласаат за измените, затоа што ова е единствената алтернатива за да се придвижиме кон евроинтеграциите. Но тие се 30, а за промена на Уставот потребни се 80 пратеници. Затоа, заедно со нашите партнери во власта, заедно со нашите стратешки партнери работиме посветено секој ден за да се најде решение, подобро и побрзо решение за да се движиме право кон европските интеграции“, додаде Меџити.
За Законот за јазиците,министерот за животна средина вели дека тој нема можност да се укине. Рече дека Законот треба да се унапредува бидејќи и онака не е целосен, алудирајќи на дефиницијата „најмалку 20 проценти“. Тој спомна три члена на законот, кои се во врска со униформите на полицијата и армијата, банкнотите и судските постапки.
-Доколку условно се бришат овие три члена, ќе видиме една политичка состојба за да дебатираме за закон кој ќе го унапредува албанскиот јазик, но ќе биде и во согласност со Уставот, со цел да не оставиме простор во иднина некој да го толкува како што сака. Но сакам да заокружам дека не се загрозува албанскиот јазик како службен. Тој е дел од правниот систем. Значи како што останал. Во Влада се користи, во Парламент се користи, во институциите се користи, вели Изет Меџити.
Што се однесува до законот за бранителите, вели дека истиот ќе остане блокиран и дека пратениците на ВРЕДИ нема да го гласаат овој закон. На прашањето дали ќе поднесат оставка доколку помине овој закон, вели дека тие не се заедно со подносителот, Славјанка Петровска.
Драган Мишев
