Темата на годинешното одбележување на Меѓународниот ден на образованието, 24 јануари, „Учење за луѓето, планетата, просперитетот и мирот“, ја истакнува интегрираната природа на образованието, нејзините хуманистички цели, како и нејзината централност кон амбициите за колективен развој.
Одбележувањето во 2020 година ќе го позиционира образованието и учењето, како најголем обновлив ресурс на човештвото и ќе ја реафирмира улогата на образованието како основно право, јавно добро и овозможувач на Агендата за одржлив развој во 2030 година, а ќе го вклучи ‘инклузивното и правично квалитетно образование и доживотно учење за сите како цел за себе и неопходно средство за забрзување на напредокот за исполнување на целите за одржлив развој, се вели во сопштението на Едукативниот центар на Обединетите нации.
Во Северна Македонија, се изгласа Законот за младинско учество и младински политики, како успех на досегашната Влада е новиот Закон за образование и буџетот за 2020 година во образованието, кој заедно со оној за здравсто и социјална заштита изнесува 154 милјарди денари.
Претседателот на СДСМ, Зоран Заев на својот Фејсбук профил го честита Меѓународниот ден на образованието укажувајќи на влогот во квалитетно образование:
„Го укинавме екстерното тестирање, донесовме нов Закон за високо образование, ги зајакнуваме стручното и дуално образование, инвестираме во нови објект, поставуваме енергетски ефикасни фасади и еколошки системи за греење во училиштата, за вкупно 21,3% ја покачивме платата во основното, средното и високо образование“.
