Македонската опера и балет одлучи парите од продадените билети за претставата „Мадам Батерфлај“, што ќе се изведе на 3 април, да се донираат во хуманитарни цели.
МОБ се одлучи за оваа акција по апелот за помош на семејството Ристески, мајката Марина и таткото Јован и нивниот тригодишен син Александар кои живеат во село Долгаец, во близина на Прилеп. На ова семејство му е потребен топол дом, за малиот Александар да има безгрижно детство заедно со своето семејство.
Претставата ќе се изведе во вторник во 20:00 часот, а цената на билетот се 300 денари.
Извор: МИА
