Жаклина Мучева, од Меморијалниот центар на холокаустот на Евреите од Македонија, на Денот на граѓанските организации, во организација на Цивика Мобилитас, за ЦИВИЛ Медиа изјави дека можеме да се обединиме во различностите и тоа да нѐ води напред,
На прашањето колку и дали е возможно да се обединат различностите во нашето општество, кое е дел од иницијативата на ЦИВИЛ „Обединети во различностa“, Мучева вели иако чекориме бавно, сепак сме на добар пат да бидеме дел од земјите каде различностите се третираат на еднакво ниво.
“Сите во суштина сме исти, но различни сме по едно нешто, по две нешта, по неколку нешта, но сепак, ние сите сме луѓе, можеме да се обединиме за различни цели и можеме сите заедно да направиме нешто што ќе не води напред. Мислам дека треба малку повеќе невладиниот сектор да влијае на граѓанството, да се прават кампањи токму во таа насока и мислам дека сѐ она што досега е правено е со оценка која задоволува, но не сме уште на некој степен кој што не води кон тој прогрес. Затоа што од другата страна се работи за освестување и развивање на граѓанската свест кога станува збор за обединување на различностите. Се сеќавам дека пред многу години кога зборувавме на овие теми бевме многу назад во однос на другите држави. Чекориме споро, но сепак одиме кон оние кои се и наша цел, а тоа се земјите во кои што различностите навистина се на едно исто ниво“, вели Мучева.
Камера: Дехран Муратов
Монтажа Б. Јордановска
Оваа содржина е дел од Иницијативата „Обединети во различноста“ посветена на промовирање на различностите како предност, богатство и квалитет на нашето општество. Иницијативата ја води ЦИВИЛ, со поддршка од Министерството за надворешни и европски прашања на Големото Војводство Луксембург.
Наодите, мислењата и другите онлајн содржини објавени од страна на ЦИВИЛ, односно Редакцијата ЦИВИЛ Медиа, не мора да значи дека ги одразуваат оние на донаторите или спонзорите на ЦИВИЛ и на медиумската платформа на организацијата.
