Под заеднички наслов „Чекор напред кон мултикултурно општество“, ЦИВИЛ од 1 март ги интензивира своите акции со кои ги промовира почитувањето на различностите, недискриминацијата и еднаквоста во општеството.
ЦИВИЛ во изминатата недела имаше интензивни активности во Иницијативата „Чекор напред кон мултикултурно општество“.
Преставници на ЦИВИЛ остварија средба со Претседателот Стево Пендаровски по повод почетокот на реализацијата на проектот „Чекор напред кон мултикултурно општество“.
Претставниците на организацијата го информираа претседателот за активностите во рамки на проектот, што ќе бидат насочени кон промоција на мултикултурализмот, почитувањето на различностите и недискриминацијата во општеството како фундаментални човечки и европски вредности.
Пендаровски, истакнувајќи ја важноста на темите опфатени во проектот, изрази поддршка за активностите на организацијата и заложбите за мултикултурно општество.
Претставниците на ЦИВИЛ одржаа работна средба и со Роберт Алаѓозовски, Национален кординатор за интеркултурализам и едно општество за сите.
По работната средба, Алаѓозовски даде и интервју за ЦивилМедиа што ќе биде објавено деновиве.
Претставниците на ЦИВИЛ одржаа работна средба и со директорот и заменик директорот на Агенцијата за остварување на правата на заедниците, Еран Куртиш и Џељал Хоџиќ.
Од АОПЗ изразија поддршка за активностите на ЦИВИЛ и заложбите за мултикултурно општество.
Претставниците на ЦИВИЛ одржаа и работна средба со проф. д-р Рубин Земон, поранешен пратеник и еден од најактивните учесници во процесот на креирање на стратегијата „Едно општество за сите“.
По работната средба, проф. Земон даде и интервју за ЦивилМедиа што ќе биде објавено деновиве.
На 22 март (вторник) претставниците на ЦИВИЛ ќе остварат работна средба со претставници на Комисијата за односи со верските заедници и религиозни групи.
ЦИВИЛ исрати барање за средба и до премиерот Димитар Ковачевски, првиот вицепремиер и министер за политички систем и односи меѓу заедниците, Артан Груби, Народниот Правобранител, Комисија за спречување и заштита од дискриминација и други институции.
Во рамки на проектот „Чекор напред кон мултикултурно општество“, изјави дадоа и новинарот и уредник Сеад Ризвановиќ и универзитетската професорка Мимоза Ристова.
„Во Фокусот“ на ЦИВИЛ се одржа и онлајн настан – „Мултикултурализам: Основа за развој, стабилност и почитување на човековите права и слободи“.
ЦИВИЛ уште еднаш ги повика граѓанките и граѓаните да земат активно учество во оваа иницијатива.
Од почетокот на овој месец, тимот на организацијата внесе неколку нови компоненти во својата агенда, а минатиот петок се одржа и првиот „Мулти култи бриф“.
